Tímarit Máls og menningar - 01.06.1999, Blaðsíða 9

ÞORLEIFUR EINARSSON, PRÓFESSOR
Að afloknu barna- og
gagnfræðaskólanámi fór hann í
Menntaskólann í Reykjavík og
lauk stúdentsprófi þaðan vorið
1952. Snemma kom í Ijós áhugi
hans á náttúrufræði og að námi
loknu fór hann rakleiðis til
náms í jarðffæði til Þýskalands.
í Þýskalandi var það gömul
háskólahefð að fara á milli
háskóla bæði í ævintýraþrá en
einnig í leit að „Doktorvater"
eins og það hét. Eftir að hafa
dvalið í Hamborg og Erlangen
fór hann til Kölnar þar sem
hann fann fýrir Prof. M.
Schwarzbach og lauk þar dipl.
geol-prófi í maí árið 1960 og
doktorsprófi tveimur mánuð-
um síðar. Hann hélt vináttusam- Þorleifur Einarsson við Fláíókul 1997■
bandi við Prof. Schwarzbach alla
æfi og það má kallast táknrænt að hann var einmitt að koma úr heimsókn frá
þessum vini sínum og læriföður þegar hann lést. Meðan hann var við nám
gerðist hann atvinnumaður í handbolta til að geta greitt fýrir nám sitt og var
fýrirliði er lið hans varð Þýskalandsmeistari eitt árið.
Framhaldsnám og rannsóknir stundaði hann í Björgvin og síðar við
háskólann í Cambridge í Englandi.
Hann kom heim sumarið 1961 og réðst sem sérfræðingur við
iðnaðardeild Atvinnudeildar Háskólans þar næst til Rannsóknarstofnunar
iðnaðarins og loks til Raunvísindastofnunar Háskólans, en þar vann hann til
ársins 1974. Jafnframt þessu stundaði hann stundakennslu við ýmsa
framhaldsskóla s.s. M.R. og Tækniskóla íslands. Hann var skipaður
prófessor við Háskóla íslands árið 1975. Því starfi gegndihann til dauðadags.
Sú reynsla og þekking sem Þorleifur safnaði við fyrrnefndar hagnýtar
rannsóknir, en þær voru annar hluti vísindastarfa hans, voru eins konar
leiðarljós í störfum hans sem vísindamanns alla tíð. Hann vildi setja bókvitið
í askana. Þekkingin var ekki til fyrir sjálfa sig, hana átti að nota til að létta
undir, auka og bæta störf, gera menn óháðari duttlungum. Þessar hagnýtu
rannsóknir og ráðgjöf við verklegar framkvæmdir voru Þorleifi ekki aðeins
TMM 1999:2
www.mm.is
7