Tímarit Máls og menningar - 01.06.1999, Qupperneq 91

HÆÐIR EINSOG HVÍTIR FÍLAR
„Gætum við ekki prófað hann?“
Maðurinn kallaði „Heyrðu“ gegnum tjaldið. Konan kom útúr
barnum.
„Þetta gerir fjóra reales.“
„Við viljum fá tvö Anis del Toro.“
„Með vatni?“
„Viltu það með vatni?“
„Ég veit það ekki,“ sagði stúlkan. „Er það gott með vatni?“
„Það er í lagi.“
„Þið viljið það með vatni?“ spurði konan.
„Já, með vatni.“
„Það er á bragðið einsog lakkrís,“ sagði stúlkan og lagði frá sér glas-
ið.
„Sama máli gegnir um alla hluti.“
„Já,“ sagði stúlkan. „Allt bragðast einsog lakkrís. Sérstaklega allt
sem maður hefúr beðið eftir svo lengi, einsog malurtarbrennivín.“
„Æ, hættu þessu.“
„Þú byrjaðir,“ sagði stúlkan. „Ég var að gera mér glatt í geði. Ég var
að skemmta mér.“
„Jæja, við skulum þá reyna að skemmta okkur.“
„Gott og vel. Ég var að reyna. Ég sagði að fjöllin litu út einsog hvítir
fílar. Var það ekki gáfulegt?“
„Það var gáfúlegt.“
„Mig langaði að prófa nýjan drykk: Það er það eina sem við gerum,
er ekki svo - horfa á hlutina og prófa nýja drykki?“
„Ég býst við því.“
Stúlkan leit yfirtil hæðanna.
„Þetta eru yndislegar hæðir,“ sagði hún. „Þær líta í rauninni ekki út
einsog hvítir fílar. Ég átti bara við hörundslitinn á þeim milli trjánna.“
„Eigum við að fá okkur annan drykk?“
„Því ekki það?“
Hlýr vindblærinn svipti stönglatjaldinu utaní borðið.
„Bjórinn er góður og svalur,“ sagði maðurinn.
„Hann er indæll,“ sagði stúlkan.
„Þetta er í rauninni afskaplega einföld aðgerð, Jig,“ sagði maðurinn.
„Það er í rauninni alls engin skurðaðgerð.“
Stúlkan horfði á grundina sem borðlappirnar hvíldu á.
TMM 1999:2
www.mm.is
89