Tímarit Máls og menningar - 01.12.2000, Side 68

ÞÓRBERGUR ÞÓRÐARSON
Björn Þorsteinsson er fluttur í Hafnarfjörð og hús hans hér orðið
eign Krabbameinsfélagsins. Þeir komu til mín að kvöldi afmælisdags
míns, Björn og Guðmundur Böðvarsson skáld, yndislegur maður. En
ég gat ekkert glatt þá, hvar af ég mátti þola talsverðar kvalir á sálinni.
En fimmtudaginn 12. apríl kallaði ég þá hingað heim og með þeim
Matthías Jóhannessen og frú. Og þá varð fagurt kvöld.
Herra Andrésson og Þóra eru flutt í aðra íbúð, um 10 mínútna
ganga fyrir austan Lídó. Margrét segir, að það sé skemmtilegasta vist-
arvera, sem hún hafi séð hér í bæ. Andrésson á í ströngu að stríða. Nýja
bókabúðin Vegamót er að verða Máli og menningu ofurefli. En nú ætl-
ar Andrésson að gera stórt átak til þess að bjarga fyrirtækinu við. Það á
25 ára afmæli 17. júní í sumar. Þá á að gefa út tólf bækur eftir tíu höf-
unda og haga útgáfunni þannig, að hún gefi góðan arð. En Guð má
vita.
Gráskinna er ekki ennþá komin út, en kemur væntanlega í haust.
Flaskan bíður.
Svo bið ég þennan miða að flytja þér kveðju mínu. Þess hins sama
biður Margrét.
Þórbergur Þórðarson.
Helena Kadeckova er tékknesk frœðikona og þýðandi íslenskra
bókmennta í Tékklandi. Bréf þetta er eitt þriggja setn hún afhenti
handritadeild Landsbókasafnsins til varðveislu nýverið.
66
malogmenning.is
TMM 2000:4