Tímarit Máls og menningar - 01.12.2000, Page 78

RÚNAR HELGl VIGNISSON
*
Helgina eftir var gengið til sveitarstjórnarkosninga. í þeim kosningum
náðu Þjóðgarðsverðirnir meirihluta, en Gyðjurnar, sem myndað
höfðu meirihluta með Bjargvættunum, misstu sinn mann, eða öllu
heldur konu. Þegar þær fengu konu kjörna í síðustu kosningum höfðu
tveir efstu menn af lista Þjóðgarðsvarðanna borið hana út þar sem hún
sat að fagnaði með stöllum sínum. Það varð þeim ekki til framdráttar,
Gyðjurnar sökuðu Þjóðgarðsverðina um yfirgang og hófu samstarf
með Bjargvættunum. Þannig komust Bjargvættirnir loks til valda í
þessu bæjarfélagi, en þó aðeins eitt kjörtímabil.
Þegar ég geng á fund hins nýja bæjarráðs situr sá óffíski með stóra
hausinn þar: formaður bæjarráðs. Það sem meira er, samflokksmenn
hans virðast allir vera með stóran haus, þó að þeir skáki formanninum
reyndar ekki, og fyrir vikið er engu líkara en aðrir viðstaddir séu allt að
því höfuðsmáir. Ekki minnist ég þess að svona margir hafi verið með
stóran haus í mínu ungdæmi.
Ég hugsa með mér að nú sé ef til vill lag og reyni að gjóa augunum til
formannsins svo lítið ber á. En minn er eins og hengdur upp á
þverslaufuna sína.
Ég býð þig velkomna á fund hins nýkjörna bæjarráðs. Eins og þú
getur ímyndað þér eru áherslur Þjóðgarðsvarðanna allt aðrar en fyrri
meirihluta.
Hvergi höggstaður á borgaralegu fasinu. Kurteislegur hroki. Hroka-
full kurteisi.
Við fórum í gegnum starfsemina lið fyrir lið. Þeir héldu sig á mott-
unni í þetta sinn, létu sér nægja að ítreka hve erfið fjárhagsstaða bæjar-
sjóðs væri og þeim þröngur stakkur skorinn. Ég átti eftir að kynnast
því betur.
Strax um haustið gerðu fjöllin uppreisn. Þau sperrtu sig hvað þau
gátu, eins og þau vildu freista þess að loka sjóndeildarhringnum, sem
mér fannst þó nógu íbjúgur fyrir í seinni tíð. Ef til vill voru fjöllin sitt-
hvoru megin fjarðarins steinrunnin tröll hvort af sínu kyni,
viðþolslaus af þrá eftir margra alda kitlandi gægjur og daður. Skyndi-
lega svall þeim móður, brjóstin bifuðust og sendu tröllsleg jarteikn
76
malogmenning.is
TMM 2000:4