Tímarit um menntarannsóknir - 01.01.2006, Page 102

97
Um höfunda
Amalía Björnsdóttir er dósent við Kennaraháskóla Íslands. Hún lauk doktorsprófi í megindlegri
sálarfræði frá University of Oklahoma árið 1996. Rannsóknir hennar tengjast próffræði, kynjamun
og áhrifum félagslegra þátta á námsárangur. Hún hefur unnið tölfræðilega úr rannsóknum á
tengslum hljóðkerfisvitundar og lestrarnáms. Netfang: amalia@khi.is
Berglind Rós Magnúsdóttir lauk M.A.- prófi í uppeldis- og menntunarfræði árið 2003 og stundar
nú doktorsnám í sömu grein við Háskóla Íslands. Rannsóknir hennar á sviði menntamála hafa
einkum beinst að því að skoða jafnrétti kynjanna í skólastarfi. Netfang: berglindros@gmail.com
Börkur Hansen er prófessor við Kennaraháskóla Íslands. Hann er doktor í stjórnsýslufræðum
frá Albertaháskóla í Kanada. Rannsóknir hans eru einkum á sviði stjórnunar skóla. Þar má nefna
störf skólastjórnenda, valddreifingu í skólum, viðhorf kennara til starfa sinna og starfsumhverfis,
skólaþróun og skólasögu. Netfang: borkur@khi.is
Guðný Guðbjörnsdóttir er prófessor í uppeldis- og menntunarfræði við félagsvísindadeild Háskóla
Íslands. Hún lauk doktorsprófi frá Háskólanum í Leeds, meistaraprófi frá Manchesterháskóla og
B.A.-prófi frá Vassar College. Helstu rannsóknarsvið hennar eru: Uppeldi, menntun, sjálfsmyndir
og kynferði; kynferði, forysta, menntun og jafnrétti; menningarlæsi ungs fólks og fullorðinna;
vitrænn þroski barna og unglinga. Netfang: gg@hi.is
Kristín Elva Viðarsdóttir er nemandi í sálfræði við Háskólann á Akureyri og einnig stundakennari
við sama skóla. Hún lauk M.Ed.-gráðu í uppeldis- og menntunarfræðum með áherslu á stjórnun frá
Kennaraháskóla Íslands árið 2006. Áhuga- og rannsóknarsvið hennar eru hinsegin fræði. Netfang:
ha040367@unak.is
Kristján Kristjánsson er prófessor í heimspeki við kennaradeild Háskólans á Akureyri. Hann lauk
doktorsprófi í heimspeki frá St. Andrews háskóla árið 1990. Rannsóknarsvið hans ná yfir heimspeki
menntunar, siðfræði, tilfinningar og siðferðisuppeldi. Hann vinnur nú að bók sem nefnist Aristotle,
Emotions and Education og er væntanleg hjá Ashgate. Netfang: kk@unak.is
Ólafur H. Jóhannsson er lektor við Kennaraháskóla Íslands. Hann hefur meistarapróf í
stjórnsýslufræðum frá Bristolháskóla í Englandi. Rannsóknir hans eru einkum á sviði stjórnunar
skóla. Þar má nefna störf skólastjórnenda, valddreifingu í skólum, viðhorf kennara til starfa sinna
og starfsumhverfis, grunnskóla í ólíkum byggðarlögum, skólaþróun, áhrif endurmenntunar og
skólasögu. Netfang: ohj@khi.is
Sif Einarsdóttir er dósent við félagsvísindadeild Háskóla Íslands á sviði náms- og starfsráðgjafar.
Hún lauk doktorsprófi í ráðgefandi sálfræði við Háskólann í Illinois, Urbana-Champaign, árið 2001.
Rannsóknir hennar hafa einkum beinst að starfsáhuga og þvermenningarlegu gildi sálfræðilegs
mats, auk rannsókna á eldri háskólanemum og einelti. Netfang: sif@hi.is
Tímarit um menntarannsóknir, 3. árgangur 2006
Um höfunda