Gripla - 01.01.1995, Blaðsíða 196

194
GRIPLA
er breytilegt: „menja skorð“, „menja slóð“, „menja bil“ og „menja ná“.
Munurinn verður meiri í síðari hluta 2. vísu þegar B gerðin heldur
áfram að lýsa ásturn hjónanna en A gerðirnar víkja að vænleik Kötlu:
AM 154 8vo x (B)
2.
aldrei kom þar
angur á milli
meöan á láði
lifðu bæði.
AM 147 8vo (Al)
2.
þótti Katla
kvenna allra
vífa vænlegast
vera skrautlegust.
AM 154 8vo vii (A2)
2.
sögð var hún Katla
kvenna allra
vænst og vitur
og vífa skrautlegust.
II. Már fer til Alþingis í 3. vísu allra gerða en Katla situr eftir og
„skyldi/vildi sauma“ honum „skyrtu/skikkju“. Tvær uppskriftir B gerð-
ar (Lbs. 558 8vo og AM 154 8vo xi) bæta við vísu um að Katla hafi fellt
tár við skilnaðinn og þar með riðlast erindatalið á milli gerða.
III. Katla sofnar í fjögur dœgur svo að enginn fær vakið hana.
B gerðin lýsir því í fjórum vísum þegar Katla gengur til dyngju sinn-
ar. Fóstri hennar fer á eftir, sér hana sitjandi „öndu svipta/firrta“ svo
að menn verða hryggir við. Hann situr svo „fálundaður“ yfir Kötlu í
fjögur dægur uns hún vaknar og er þá „hryggð á hringa fríði/gunni“. í
þessum vísum B gerðar er orðamunur óverulegur.
Al gerðin er frábrugðin B í þessum kafla. í sex vísum er því lýst að
„skrautvaxinn maður“ /,,vel björt/albjört kona“ gangi úr skála og
„dreisslát kona“ / „drós gullvafin" / „skrautvafin mær“ / „drengileg
kona“ fari inn og sofni. Þá koma „kátar konur“, sjá að hún sefur fast
og þegar þær geta ekki vakið hana kalla þær fóstrann til. Hann leitar
ráða til að vekja Kötlu en ekkert dugar svo hann má sitja yfir henni í
fjögur dægur eins og í B gerðinni.
í A2 gerðinni eru fjórar vísur sem samsvara A1 nema hvað ekki er
sagt að neinn hafi gengið úr skála í upphafi og ekki er nefnt að fóstrinn
hafi leitað ráða til að vekja Kötlu.
Orðamunur er allnokkur á milli gerða sem eru einna líkastar í þess-
um vísuhelmingi:
AM 154 8vo x (B)
6.
Sat yfir fljóði
full dægur fjögur
fálundaður
AM 147 8vo (Al)
9.
Sátu yfir fljóði,
full dægur fjögur,
framlundaður
AM 154 8vo vii (A2)
7.
Sat yfir fljóði
full dægur fjögur
frómlundaður