Gripla - 01.01.1995, Blaðsíða 221

ÓLAFUR HALLDÓRSSON
Christian Westergárd-Nielsen,
prófessor dr. phil.
24. 11. 1910 - 26. 8. 1994
Því hefur löngum verið við brugðið að danski málvísindamaðurinn
Rasmus Kristian Rask hafi talað íslensku svo vel að þeir sem ekki
vissu betur hafi ekki heyrt annað á máli hans en að hann væri íslend-
ingur. Það var einsdæmi um danskan mann á þeirri tíð. En á þessari
öld telst það ekki til tíðinda að danskir málvísindamenn tali íslensku
eins og innfæddir, og sumir raunar betur. Einn af þeim var Christian
Westergárd-Nielsen.
Christian Westergárd-Nielsen var fæddur í Kaupmannahöfn 24. nóv-
ember 1910 og ólst þar upp. Foreldrar hans voru Marius Theodor
Nielsen, sóknarprestur, og kona hans, Julie Marie Westergaard. Hann
var settur til náms í einn virðulegasta og strangasta menntaskóla
Kaupmannahafnar, Metropolitan-skólann, og lauk þaðan stúdentsprófi
1929. Eftir stúdentspróf innritaðist hann í Hafnarháskóla og lagði
stund á norræn fræði (nordisk filologi) og var lengi við nám, enda mun
hann hafa sett markið hátt. Hann vann til gullmedalíu háskólans 1937
með ritgerð um tökuorð í prentuðum íslenskum bókum frá 16. öld og
lauk magistersprófi 1938. Ritgerðina, sem hann hafði unnið að frá ára-
mótum 1935, endursamdi hann síðan og jók að miklum mun við erfiðar
aðstæður á stríðsárunum og gerði úr henni mikla bók, samtals á sjötta
hundrað blaðsíður: Láneordene i det 16. árhundredes trykte islandske
litteratur, sem kom út á vegum Arnanefndar (Den Arnamagnæanske
Kommission) í Kaupmannahöfn 1946, sjötta bindið í ritröðinni Biblio-
theca Arnamagnœana. Við samningu þessarar bókar naut Chr.W-N
þess hve vel hann var að sér í íslensku og íslenskri málsögu, en einnig
er augljóst að til að semja slíka bók þurfti staðgóða kunnáttu í norræn-
um málum, svo og í miðlágþýsku og miðháþýsku. Það er með öðrum
orðum augljóst að bókin er samin af vel lærðum málfræðingi. Bókin
skiptist í skrár og inngang á 107 blaðsíðum og tökuorðabók á 406 blað-