Gripla - 01.01.1995, Blaðsíða 203

fagra Ara
sem hans faðir mælti.
KÖTLUDRAUMUR
201
sem inn fagra Ara
sem faðir hans mælti
AM 154 8vo vi nær ekki lengra, en þrjár uppskriftir A 1 hafa erindi þar
sem Már biður Kötlu að færa sveininum gjafir föðurins að nafnfesti:
NKS 1141 fol
56.
Fá þú með nafni
þessum sveini
heillynd kona
hníf og belti
alls skulum efna
við okkarn son
sem framfarinn
faðir hans mælti.
AM 154 8vo viii
54.
Fáðu með nafni
fríðum sveini
horsklynd kona
hníf og belti
allt skulum við efna
við okkar son
það sem frómlundaður
faðir hans sagði.
JS 473 8vo
Fáðu með nafni
þessum sveini,
karsklynd kona
kníf og belti,
allt skulum við efna
við okkar son
það sem frómlundaður
faðir hans mælti.
Kvæði B gerðar halda áfram eftir barnsfæðinguna og segja frá öðrum
syni þeirra Más og Kötlu. A gerðirnar búa sig hins vegar undir að ljúka
kvæðinu þegar hér er komið sögu.
VIII a. Lokakafli A gerða um frama Ara og góðar ástir til œviloka.
Einungis fjórar A 1 uppskriftir af sex eru heilar allt til kvæðisloka.
Þrjár þeirra (NKS 1141 fol, AM 154 8vo viii og JS 473 8vo) hafa fyrst
tvö sameiginleg erindi um uppvöxt Ara og „almanna lof“ og segja að
hann ýmist „fæðist“ upp eða „fræðist“ hjá Þorgilsi nokkrum. Tvær
uppskriftir (NKS 1141 fol og AM 154 8vo viii) bæta við að enginn hafi
staðið Ara á sporði þegar hann kom til Alþingis.
AM 147 8vo á samleið með uppskriftunum þremur sem segja nú frá
búferlaflutningunum (sem voru þáttur í viðbrögðum Más við sögu
Kötlu í AM 154 8vo vi og A 2 kvæðunum) og allra síðast fara AM 147
8vo og JS 473 8vo sína leið og segja að sveinninn hafi vaxið upp og þau
„ynntist / allt hið besta / um ævi sína / Már og Katla“ eða „unntust /
allt hið besta / Már og Katla / um mælta ævi.“
Eftir búferlaflutninga er stakt erindi í AM 154 8vo viii um fjölskyldu-
sæluna á nýja staðnum en lokaorðin eru lík og í NKS 1141 fol. Þar er
athyglisvert að vísað er til óþekktrar Helgu sem „verkbeiðanda" og
sagt að kvæðið sé 60 erindi. Aftan á síðasta blaði AM 154 8vo viii hefur
einnig verið bætt við heldur ónotalegum áfellisdómi um kvæðið Kötlu-
draum: