Gripla - 01.01.1995, Blaðsíða 205

KÖTLUDRAUMUR
203
farinn til veiða. Hún segir að misskipt sé með þeim, Katla hafi yndi af
manni sínum en sonur hennar sé dáinn. Þá býður Alvör Kötlu tvo
kosti: að missa Má eða verða fyrir svívirðingu sonar síns. Hún velur að
halda manni sínum því að „allt fer um skammir / sem auðið verður, /
en Már mun eg síst / missa vilja.“ Síðan skilja þær með sorg í huga (5k>
erindi).
c. Már kemur heim og huggar Kötlu eftir að hún hefur sagt honum af
komu Alvarar. Hann hughreystir hana, stingur upp á að þau bjóði
bræðrum hennar til veislu þar sem hún skuli vera „fagnaðarsöm / sæl /
við firða alla“ (4Vi erindi).
d. Már býður mága sína velkomna til veislu og leiðir þá til sætis.
Katla situr prúðbúin og skrýdd gjöfum úr hulduheimum, skikkju og
meni. Már mælir fyrir veislugriðum með nokkuð fornlegri formúlu þar
sem hann heitir á sól, vind, ís og sjó að veislan fari vel fram. Allir gera
góðan róm að og hver uppskrift lýsir glaumnum með sínum hætti:
Lbs. 558 8vo
57.
heiður og æra
hvern mann gladdi,
var þar ölteiti
öðru meira.
AM 154 8vo xi
59.
hvítings bálið
hölda gladdi
var þá íta hvör
við annan glaður.
AM 154 8vo x
58.
hvítungs bylgjan
hölda gladdi
var þá íta hvör
við annan glaður.
Lbs. 1293 4to
62.
hvítings bylgjan
hölda gladdi.
63. Þá voru ítar
allir sáttir
e. Samtal hálfbrœðra á gólfi kemur upp um þá þegar huldusveinninn
Kári biður móður sína að ljá sér menið góða. Þegar hjónabandsbarnið
Ari sér þetta vill hann fá menið en Kári synjar þess og Ari sakar hann
um að halda fyrir sér réttmætri eign: „heldur þú við mig, / hóru son
leiður? / Því að eg á eign / okkar beggja“ (3 erindi).
f. Viðbrögð við orðum Ara verða þau að Katla stendur upp og fer en
Ásmundur hefur orð fyrir bræðrum hennar og spyr hvort systir þeirra
skuli þá vera „ættar skömm.“ Katla vill fremur lífið láta en að menn viti
leyndarmál hennar. Kurr kemur upp með bræðrunum Vilhjálmi, Sig-
urði (vantar í Lbs. 1293 4to) og Loga (Bogi í Lbs. 1293 4to) sem telja að
nú sé varla „vært í sæti/sætum“. Eins og áður er getið hafa nú allar
gerðirnar utan Lbs. 558 8vo eitt erindi þar sem bræðurnir munda vopn-
in og segja að svo ungur sveinn kunni ekki að ljúga, enda séu „rök til
ræðu hans nokkur." Már tekur þá til máls og segir þeim að taka ekki
mark á orðum barna en við það verða bræðurnir ólmir og vilja komast
að hver rök séu til „ræðu sveina.“ Már upplýsir í tveimur erindum að