Gerðir kirkjuþings - 2004, Síða 32

Samkomulag um sálgœslu meðal geðfatlaðra
Kirkjuráð veitti styrk að íjárhæð kr. 3 millj. á ári í tvö ár til sálgæslu meðal geðfatlaðra.
Styrkurinn er veittur á grundvelli samnings milli Biskupsstofu, Rauða kross Islands og
Landspítala-háskólasjúkrahúss.
Starfsaðstaða vígslubiskups o.fl. á Akureyri.
Kirkjuráð ræddi hugmyndir vígslubiskups á Hólum um starfsaðstöðu á Akureyri fyrir
embættið og starfsfólk á vegum prófastsdæmanna. Vígslubiskup hafði lagt til að athugað
yrði með kaup á húsnæði við Hafnarstræti á Akureyri, svonefnt Hamborgarhús. Að
athuguðu máli þótti það of kostnaðarsamt verkefni, þar sem gagngerar endurbætur hefðu
þurft að fara fram á húsnæðinu. Kirkjuráð telur að bæta megi aðstöðu starfsfólks og
vígslubiskups og mun kanna möguleika þess áfram.
Kirkjudagar 2005
Unnið hefur verið að undirbúningi Kirkjudaga 2005 í Reykjavík á Jónsmessu, en það mál
var kynnt á Kirkjuþingi 2003. Til að stuðla að sem mestri þátttöku kirkjufólks af landinu
öllu, var veitt vilyrði fyrir ferðastyrk til þeirra þátttakenda sem lengst eiga að, með
svipuðum hætti og á Kirkjudögum 2001.
Sjómannastofan
Eins og greint var frá í síðustu skýrslu Kirkjuráðs fyrir Kirkjuþing 2003 hafði verið gefin
út viljayfirlýsing um samstarf við Sjómannadagsráð, Sjómannafélag Reykjavíkur og
Vélstjórafélagið um stofnun Sjómannastofu í Reykjavík, er veiti erlendum sjómönnum
margvíslega aðstoð og fyrirgreiðslu. Fallið hefur verið ffá áformum um starfrækslu
sjómannaþjónustu og málið því ekki lengur á dagskrá.
Fasteignaumsýsla
Skipt hefur verið um glugga á jarðhæð Kirkjuhússins að Laugavegi 31, Reykjavík og þeir
færðir til upprunalegs horfs. Kristnisjóður fékk styrk fyrir hluta kostnaðar frá
Reykjavíkurborg til verksins og einnig ffá Húsafriðunamefnd ríkisins.
Gallup könnun
Samhliða stefnumótunarvinnunni var ákveðið að gera trúarlífskönnun í samstarfi við
Gallup með styrk frá Kristnihátíðarsjóði og Kristnisjóði. Þar var jafnframt kannað viðhorf
fólks til íslensku þjóðkirkjunnar. Könnunin er sambærileg og sú er gerð var fyrir mörgum
árum af tveimur prófessorum við guðfræðideild HÍ. Könnunin liggur hér frammi fyrir þá
sem vilja skoða þær niðurstöður sem þegar hafa verið birtar.
VII. Lokaorð
Af skýrslu þessari er ljóst að Kirkjuráð hefur að venju sinnt margvíslegum verkefnum.
Vísað er til greinargerðar framkvæmdastjóra Kirkjuráðs í Árbók kirkjunnar 2003 sem
lögð er fram. Þar er og að finna skýrslur stofnana, nefnda og sjóða kirkjunnar og yfirlit
yfir hin margvíslegu störf kirkjunnar. Þá fylgja skýrslu þessari ýmis gögn. Kirkjuráð vill
þakka sérstaklega forseta Kirkjuþings gott samstarf svo og öðrum sem Kirkjuráð hefur
þurft að leita til.
30