Gerðir kirkjuþings - 2004, Page 45

Eignaskrá prestssetra
í byrjun hvers árs er í samráði við Fasteignamat ríkisins farið yfir og gerð eigna- og
verðskrá um þau prestssetur sem sjóðnum tilheyra. Skrá þessi er síðan m.a. notuð við
endurreikning afgjalda.
Önnur hlunnindi prestssetra
Stjóm og starfsmenn Prestssetrasjóðs vinna að því að skoða möguleika til tekna af
hlunnindajörðum ásamt öðrum hlunnindum prestssetra þ.e. núverandi staða og meðferð
þeirra. Jafnframt hvernig og hvort horft verði til nýrra hlunninda sem eru að myndast t.d
í formi leigu lands undir sumarbústaði o.fl. Ljóst má vera að þar er allnokkuð verk enn
óunnið og ef til vill ekki full eining um hvemig meðferð slíkra hlunninda skuli háttað.
Þarf hér sérstaklega að huga að lögum sem um slíkt gilda, t.d. jarða- og ábúðarlögum.
Að lokum er öllum þeim sem störfuðu fyrir Prestssetrasjóð á starfsárinu þakkað þeirra
framlag og jafnframt prestum og þeirra fjölskyldum þakkað ánægjulegt samstarf.
Nefndarálit
Löggjafamefnd hefur fjallað um skýrslu og reikninga Prestssetrasjóðs og breytingatillögu
á þskj. nr. 21. Þar sem nefndin leggur til að engar sölur verði heimilaðar er tilefni
breytingatillögunnar ekki fyrir hendi.
Löggjafamefnd fagnar því að lánum hafi verið skuldbreytt og undirstrikar að gætt skuli á
hverjum tíma fyllstu hagkvæmni í rekstri sjóðsins. Ljóst er af skuldastöðu sjóðsins að
tekjur hans til að standa undir lögboðnum rekstri hafa verið vanáætlaðar allt frá stofnun
hans 1994 og er brýnt að bregðast við því.
Mikilvægt er að vinna áffam að viðhaldi og uppbyggingu prestssetranna. Kosta þarf
kapps um góð tengsl og samskipti við vörslumenn þeirra. Stjórn og starfsfólk
prestssetrasjóðs er hvatt til þess að vera til viðtals á fundum presta.
Löggjafamefnd álítur að nauðsyn beri til þess að skýra nánar með skýrslu og
lögfræðilegu áliti stöðu presta á prestssetursjörðum. Eðlilegt er að gerðir séu samningar
um hlunnindi og önnur verðmæti þannig að þau komi prestssetrunum til góða. Sömuleiðis
er eðlilegt að í fymingarsjóð greiðist af tekjum prestssetursins til að styðja uppbyggingu
staðarins. Nefndin tekur undir ábendingu Ríkisendurskoðunar á bls. 18 í Endurskoðun
kirkjustofnana árið 2003 um gerð samninga vegna hlunninda
Kirkjuþing afgreiddi málið með eftirfarandi
Ályktun
Kirkjuþing samþykkir endurskoðaðan ársreikning prestssetrasjóðs fýrir árið 2003.
Kirkjuþing samþykkir meðfylgjandi endurskoðaða Qárhagsáætlun Prestssetrasjóðs fyrir
árið 2005.
Ljóst er af skuldastöðu sjóðsins að tekjur hans til að standa undir lögboðnum rekstri hafa
verið vanáætlaðar allt frá stofnun hans 1994 og er brýnt að bregðast við því.
43