Gerðir kirkjuþings - 2004, Síða 70

7. mál. Þingsályktun um stöðu og málefni aldraðra
Byggð á skýrslu um stefnumótun í öldrunarmálum.
Flutt af Kirkjuráði
Frsm. Sigríður M. Jóhannsdóttir
Ályktun
Kirkjan vill stuðla að samfélagi þar sem ungir og aldnir fá að njóta sín saman og þar sem
borin er virðing fyrir ellinni.
Kirkjuþing hvetur sóknir og stofnanir kirkjunnar til að nýta sér reynslu hinna öldruðu og
huga frekar að málefnum þeirra. Ennfremur að veita öldruðum andlega aðhlynningu og
sálgæslu, leitast við að rjúfa einangrun og brúa kynslóðabil.
Kirkjuþing hvetur sóknir til að ráða guðfræðinga, djákna eða annað sérmenntað starfsfólk
til þessara starfa og leita eftir samstarfi við sveitarfélög og aðrar opinberar stofnanir í því
sambandi.
Kirkjuþing hvetur söfnuði til að virkja sjálfboðaliða til þjónustu við aldraða einkum í
heimsóknarþjónustu.
Skýrsla starfshóps um stefnumótun í öldrunarmálum
Inngangur
í september árið 2003 skilaði starfshópur um stefnumótun í öldrunarmálum áfangaskýrslu
til Kirkjuþings. í þeirri skýrslu var fyrst og fremst settur fram fræðilegur grundvöllur fyrir
öldrunarstarf kirkjunnar. í framhaldi af því var þess óskað að nefndin setti ffam nokkuð
mótaðar hugmyndir um verkefni í öldrunarstarfi kirkjunnar sem vert væri að hrinda í
framkvæmd. Á grundvelli Áfangaskýrslunnar frá árinu 2003 hefur nefndin fundað
nokkrum sinnum m.a. með starfsfólki Biskupsstofu og fulltrúum á Kirkjuþingi. Þá hafa
nefndarmenn kynnt sér ýmislegt efni um þessi mál sem til eru og kynnt sér mörg þeirra
verkefna sem áður hafa verið reynd og unnið eftir.
Að áliti nefndarinnar er farsælast að leggja fram færri tillögur en fleiri og hafa þær
ítarlegri. Því leggjum við til fems konar verkefni sem þjóðkirkjan ætti að vinna að í
öldrunarstarfi sínu næstu misserin. Sum ef ekki öll hafa verið framkvæmd með
einhverjum hætti og fyrir hendi er kennslu- og leiðbeiningarefni. Sumt af því efni er
þegar fullmótað en annað þarf endurskoðunar við.
Þau verkefni sem nefndin leggur til að verði framkvæmd eru:
A. Vinaheimsóknir kirkjunnar
B. Vinafundir í kirkju
C. Kynslóðir saman
68