Gerðir kirkjuþings - 2004, Page 102

biblíufélag útgáfuna. Það merka félag setti þau skilyrði að við yrðum að sleppa
Aprókrýfubókunum út úr okkar kanón og það var miður. Nú er stefnt að þvi að bæta þar
úr. Nú hefur, eins og fyrirspyrjandi minnti á, staðið yfir um árabil ítarleg endurskoðun
biblíuþýðingarinnar og nú loks sér fyrir endann á því og útgáfan áformuð 2006 á hinu
mikla afmælisári.
Biblíufélagið er ekki öflugt félag og þegar menn stóðu frammi fyrir þessu verkefni að
koma bókinni út þá var það að ráði að leita til sérfræðinga í útgáfumálum og fá ráð. Þar
var mælt eindregið með því að leitað yrði til og gerður samningur við útgáfufélag á
markaði, til þess að geta gefið út bók bókanna með sem mestum metnaði. Þetta téða
útgáfufélag tók þetta að sér og gerður var samningur við það. Leitað hafði verið hófanna
hjá öðrum útgáfufélögum, en niðurstaðan var að það var gengið til samninga við Jóhann
Pál Valdimarsson. Samningurinn er mjög traustur fyrir Biblíufélagið. Það ræður og hefur
síðasta orðið, en útgefandinn tekur á sig talsverða áhættu varðandi hin ýmsu form
útgáfunnar, sem sagt, útgáfu sem að einkum væri ætluð yngra fólki, fermingarbörnum,
unglingum þá með sérstökum skýringum og í pappírskilju og svo framvegis, hin
mismunandi form og útlit. Við viljum auka sem mest dreifingu biblíunnar og ekki bara að
auka dreifingu hennar, við viljum líka tryggja það að hún verði sem mest aðlaðandi fyrir
sem flesta, þannig að sem flestir finni hvöt hjá sér að opna hana og kynna sér innihald
hennar og efni.
Biblíufélagið sjálft mun leggja megin áherslu á að þar sem kraftarnir fara ekki í prentun
og dreifíngu mun félagið einbeita sér frekar að kynningarstarfi og fræðslu.
3. Gamli kirkjugarðurinn við Suðurgötu (Hólvallagarður) ber nokkur einkenni
vanhirðu. Myndi biskup vilja beita áhrifum sínum til þess að úr þessu verði bætt?
Svar.
Eg er ekki sammála því að garðurinn sé í mikilli niðumíðslu. En ég er sammála að
kirkjugarðurinn við Suðurgötu er einhver mesta perla i Reykjavík. Hann hefur vakið
athygli. Það hefur meira að segja verið hugað að fá hann viðurkenndan sem
Evrópuminjar, vegna þess að hann þykir einstakur í Evrópu. En viðhald þessa garðs er
gríðarlega dýrt, enda verður ekki farið með venjulegum tækjum við slátt og hirðingu.
Mannshöndin verður að koma þar að. Unnið er að stéttalögn í garðinum frá miðju
tengistígs milli Suðurgötu og Ljósvallagötu og Reykjavíkurborg kostar þessa
framkvæmd. En þær helluhrúgur sem fyrirspyrjandi hefur rekist á eru sennilega hluti af
því verki sem er í vinnslu. Hólavallagarður er í umsjá kirkjugarða
Reykjavíkurprófastsdæma og hefur verið stofnuð sérstök þróunamefnd um garðinn. Hún
er skipuð fulltrúum frá Fornminjanefnd ríkisins, Biskupsstofu og Reykjavíkurborg auk
Kirkjugarða Reykjavíkurprófastsdæma sem er til ráðgjafar við að móta verndarstefnu í
garðinum.
Það hefur mikil vinna verið lögð í að viðhalda steypujámgerðum og krossum sem eitt
merkilegasta sem er að fínna í þessum garði, en það er orðið fátítt í Evrópu.
Steypujárnskrossar og gerði voru gjarnan hirt á stríðstímum til bræða upp byssukúlur en
við sluppum við það hér. Mörg þessar steypujárngerða og minningamarka hafa verið í
niðurníðslu. En núna hefur verið gert átak í þessum efnum að lagfæra þetta. Eldsmiðjan á
Þingeyri vinnur þar mikið verk við að steypa upp og lagfæra þessi minningarmörk. Þetta
er gríðarlega dýrt en það er unnið að þessu jafnt og þétt.
100