Ritröð Guðfræðistofnunar - 01.09.1994, Blaðsíða 296

Um höfunda
Einar Sigurbjörnsson er fæddur í Reykjavík 6. maí 1944. Stúdent frá
Menntaskólanum í Reykjavík 1964. Cand. theol. frá Háskóla íslands
1969. Framhaldsnám í trúfræði og játningafræði við háskólann í Lundi
1970-74 og lauk þaðan doktorsprófi 1974 með ritgerðinni Ministry within
the People of God. Vígður til Ólafsfjarðarprestakalls 1969 og gegndi því
kalli í eitt ár. Sóknarprestur á Hálsi í Fnjóskadal 1974-75 og Reynivöllum
í Kjós 1975-78. Stundakennari við guðfræðideild Háskóla íslands 1975-78.
Prófessor frá 1978. Meðal ritverka hans má nefna bækumar Kirkjan játar
(1980, 2. útg. 1993) og Credo. Kristin trúfræði (1989, 2. útg. 1993).
Guðrún Kvaran er fædd í Reykjavík 21. júlí 1943. Stúdent frá
Menntaskólanum í Reykjavík 1963. Lauk cand. mag. prófi í íslenskum
fræðrnn frá Háskóla Islands haustið 1969. Framhaldsnám í samanburðar-
fræði við Georg-Ágúst háskólann í Göttingen 1969-77 og lauk doktorsprófi
þaðan 1980 með ritgerðinni Untersuchungen zu den Gewássernamen in
Jiitland und Schleswig-Holstein. Skipuð sérfræðingur við Orðabók Háskól-
ans í janúar 1978. Forstöðumaðm- Orðabókarinnar frá 1. janúar 1994.
Hún er höfundar bókarinnar Nöfn íslendinga (1991) ásamt Sigurði
Jónssyni frá Amarvatni.
Gunnar Kristjánsson er fæddur á Seyðisfirði 18. janúar 1945. Stúdent
frá Menntaskólanum í Reykjavík 1965. Cand. theol. frá Háskóla íslands
haustið 1970. Hann stundaði framhaldsnám í guðfræði við Boston
University í Bandaríkjunum veturinn 1970-71 og lauk meistaraprófi í
guðfræði (S.T.M.) frá þeim skóla vorið 1971. Hann stimdaði framhaldsnám
í guðfræði við Ruhr-Universitat í Bochum, Þýskalandi frá 1975 og lauk árið
1979 doktorsprófi í guðfræði með ritgerðinni Religiöse Gestalten und
christliche Motive im Romanwerk „Heimsljós“ von Halldór Laxness. Haust-
misserið 1982 dvaldist hann við Yale háskóla og vormisserið 1987 við
Harvard háskóla. Á báðum stöðum tók hann þátt í námskeiðum sem
fjölluðu um guðfræði, bókmenntir og hstir. Gunnar vígðist til Vallanes-
prestakalls haustið 1971. Frá haustinu 1978 hefur hann verið sóknar-
prestur á Reynivöllum í Kjós.
Gunnar Stefánsson er fæddior 7. nóvember 1946 í Reykjavík, en ólst upp
á Dalvík. Stúdent frá Menntaskólanum á Akureyri 1966. Nám í íslensku
og almennum bókmenntum við Háskóla íslands, B.A.-próf 1975.
Starfsmaður Ríkisútvarpsins og við bókaútgáfuna Iðimni um skeið. Vinnur
294