Ritið : tímarit Hugvísindastofnunar - 01.10.2015, Page 120

119
(5) – Hefurðu einhvern tímann lent í því að sjá ekki strax hvort einhver
sé karl eða kona?
– Skrítið, sagði Kiddý. ég var einmitt að velta því fyrir mér. (Ai:22)
(6) – ég heiti Marion.
– Marion? Hvers konar nafn er það? Er það stelpu- eða strákanafn?
– Það var nafnið sem mamma gaf mér. Hún var ættuð héðan. Frá
danmörku. (Ai:120)
Í fyrra dæminu er reyndar ekkert minnst á Marion en þar sem þetta sam-
tal á sér stað stuttu eftir að Marion og Albert fara af vettvangi morðsins
í Hafnarbíói er nærtækt fyrir lesendur að tengja kynóvissuna við Marion.
Í þessu dæmi er talað um erfiðleika við að greina kyn sumra einstaklinga
út frá útliti en eins og áður hefur komið fram er útliti Marion hvergi lýst
í Einvíginu.
Á netinu er hægt að finna umræður um kynferði Marion og eru skoð-
anir skiptar í þeim efnum; sumir eru forvitnir en aðrir argir vegna óviss-
unnar. Enn aðrir virðast ekki hafa gert sér grein fyrir því að kyn pers-
ónunnar er á huldu. Hér á eftir er útdráttur úr slíkum samræðum, tekinn
af umræðusvæðinu Bland.is:6
(i) Það fer í taugarnar á mér að það sé búið að draga þetta út og maður
fái alls enga lýsingu á manneskjunni, ekki einu sinni kyn.
(ii) …stíllinn verður svo agalega leiðinlegur og stífur og þurr þegar
Arnaldur er að reyna að passa sig á því að segja Marion segir, Marion
gerir, Marion þetta og Marion hitt, í staðinn fyrir að nota hann/hún.
(iii) ég verð að viðurkenna að ég sé bara fyrir mér svona skugga þegar ég
les bókina. Á voða erfitt með að mynda persónu út úr þessu.
(iv) Ha... er þetta ekki hún... Mér hefur aldrei dottið neitt annað í hug...
Að sjálfsögðu geta lesendur reynt að giska á um kyn Marion með tilliti
til ýmissa atriða sem koma fram í sögunni. Hér má nefna starf Marion
sem yfirmaður í lögreglunni í byrjun áttunda áratugar síðustu aldar, ást-
arsamband Marion og Katrínar og náið samband Marion við hálfsystur
sína, dagnýju. Fyrsta atriðið hefur líklega mesta þýðingu hér af því að
engar konur voru yfirmenn lögreglunnar á þeim tíma þegar sagan gerist.
6 „Marion Briem“, bland.is, 10. maí 2010, sótt 14. júní 2014 af https://bland.is/messa-
geboard/messageboard.aspx?advtype=52&advid=19254735
MÁL OG KyNÓViSSA Í ÍSLENSKU