Ritið : tímarit Hugvísindastofnunar - 01.10.2015, Side 129

128
(28) Marion henti sér á Albert sem féll í götuna og sá um leið Rússann
berjast um í höndum mannanna og hrópa eitthvað óskiljanlegt.
Marion sá ekki betur en tveir þeirra væru sömu menn og elt höfðu
Rússann út úr áhorfendasalnum. (Ai:295)
(29) Marion sá hana ógreinilega í rökkrinu en rámaði í að hafa séð hana
inni í anddyrinu ásamt öðrum krökkum á hælinu fyrr um daginn.
Marion veitti henni athygli vegna þess að henni varð starsýnt á
mynd af íslenska fánanum… (Ai:119)
Í öllum þessum textabútum eru mörg orð á milli tilvikanna um nafnið
Marion og því er endurtekning sérnafnsins eðlileg. Hér skiptir líka máli að
í venjulegum textum getur endurtekning sérnafns verið notuð til að koma
í veg fyrir tvíræðni í tilvísunum. Þannig væri e.t.v. óheppilegt að nota hann
í upphafi annarrar málsgreinar í (27) og (28) eða hún í upphafi annarrar
málsgreinar í (29). Öðru máli gegnir um (26) þar sem ekki er hægt að rétt-
læta endurtekningu sérnafnsins með orðafjölda á milli sérnafnanna eða
hættu á tvíræðni í tilvísunum. Þess vegna væri mun eðlilegra í (26) að nota
fornafn í þriðju persónu en endurtaka sérnafnið Marion. Þetta má sjá með
því að bera (26) saman við (24) þar sem Albert er nefndur í fyrstu máls-
greininni en eftir það er ávallt vísað til hans með persónufornafninu hann,
alls sjö sinnum.
5. Marion í bakgrunni
Í Einvíginu má finna ýmsar frásagnir af Marion þar sem höfundur kýs að
lýsa umhverfi og aðstæðum persónunnar fremur en því sem Marion gerir
eða hugsar. Ef til vill er þetta aðferð höfundar við að setja aðalpersónu
bókarinnar í bakgrunn og auka þannig enn á dulúðina sem umlykur hana.
Á hinn bóginn er einnig ljóst að eftir því sem minna er vísað í Marion er
auðveldara að halda kyninu leyndu og forðast hvimleiðar endurtekningar
á sérnafninu.
Strax í öðrum kafla þegar Marion birtist fyrst á sjónarsviðinu er áhersl-
an á skrifstofuna sem Marion hefur til umráða, einkum sófann þar inni.
Þarna er sleginn ákveðinn tónn fyrir það sem koma skal í bókinni. Þessi
textabútur er sýndur hér að neðan en nafn Marion er feitletrað til að undir-
strika hversu sjaldan það kemur fyrir.
(30) Aðeins Marion Briem fékk leyfi til þess að hafa sófa á skrifstofu
sinni. Fæstir fóru fram á slíkan munað. Sófinn var ekki merkilegt
ÁSa BryndíS • jóhanneS gíSli • Þórhallur