Ritið : tímarit Hugvísindastofnunar - 01.10.2015, Page 130

129
húsgagn og mátti furðu sæta að hann hefði vakið jafn sterk viðbrögð
og raun bar vitni. Hann var gamall og lúinn, klæddur þunnu leðri
sem trosnað hafði á hornunum, langur með þremur setum og þægi-
legum örmum fyrir höfuðið. Þannig var hann í raun eins og sniðinn
fyrir síðdegisblund. Sumir eldri starfsmenn rannsóknarlögreglunnar
stálust stundum til þess að leggjast fyrir í sófanum ef Marion var
af bæ og hvíla lúin bein en fóru jafnan varlega því að Marion gat
tekið það óstinnt upp ef menn þvældust inn á skrifstofuna án leyfis.
(Ai:11)
Hér eru hvorki fleiri né færri en sex tilvísanir í sófann (sófa, Sófinn, hann,
Hann, hann, sófanum) og því er eins og Marion sé í aukahlutverki hér.
Á hinn bóginn má benda á að sófinn er hlutur sem greinir Marion frá
öðrum starfsmönnum lögreglunnar og er jafnvel hægt að líta á hann sem
eins konar framlengingu á Marion, eins og nafnlaus ritrýnir leggur raun-
ar til. Þessi textabútur orkar því á nokkuð annan hátt á lesandann en t.d.
dæmið í (31) hér að neðan þar sem segir frá dvöl Marion á berklahælinu í
danmörku og daglega lífinu þar. Þótt hér mætti búast við að Marion væri
í aðalhlutverki kemur hann/hún ekki fram fyrr en í lokin en setningarnar
þar á undan snúast eingöngu um starfsfólkið.
(31) Farinn var stofugangur alla morgna á hælinu í Kolding. Lítill
hópur lækna og læknanema í hvítum sloppum leit inn til sjúkling-
anna. Hjúkrunarkonur fylgdu á eftir með skuplur og lítið úr nælt í
brjóstið. Enginn sérstakur alvörusvipur var á læknunum. Þeir voru
léttir í bragði, brostu og klöppuðu krökkunum á kollinn. Sama var
að segja um hjúkrunarfólkið. Það tók Marion ekki langan tíma að
komast fullkomlega inn í dönskuna og skilja hvert orð sem sagt var.
(Ai:160)
Næsta textabrot lýsir heimsókn Marion til dagnýjar, hálfsystur sinnar.
Enn og aftur er aðaláherslan á umhverfislýsingu en ekki það sem Marion
gerir eða hugsar:
(32) Um kvöldið renndi Marion bílnum upp að blokk á Melunum og
hringdi bjöllu á þriðju hæð. Hinum megin götunnar var guli báru-
járnsveggurinn sem lá í kringum Melavöllinn. Stórleikur var í gangi á
milli tveggja liða í efstu deild í knattspyrnu. Undir venjulegum kring-
MÁL OG KyNÓViSSA Í ÍSLENSKU