Ritið : tímarit Hugvísindastofnunar - 01.10.2015, Page 131

130
umstæðum hefði hann verið leikinn í Laugardalnum en verið var að
skipta um grasþökur á þjóðarleikvanginum. Heyra mátti hvatning-
arópin frá gamla malarvellinum yfir götuna. Bílum var lagt hvar sem
auðan blett var að finna í kringum hann og einnig á bílastæðunum
fram við Melablokkirnar. Marion átti í mestu vandræðum með að
finna stæði. (Ai:182)
Í Einvíginu eru engir textabútar um aðrar persónur sem eru alveg sambæri-
legir við (30) og (31). Það kemur ekki á óvart þar sem kyn þeirra er ekkert
leyndarmál og höfundur þarf því ekki að setja þær í bakgrunn frásagn-
arinnar eins og hér er gert með Marion Briem. Hins vegar má finna a.m.k.
eina efnisgrein um Albert sem minnir á (32) en hún er sýnd hér að neðan:
(33) Albert hafði heimsótt Klöru í Breiðholtið og klofað eins og áður
yfir mótatimbur og ryðgað bárujárn framan við blokkina. Hverfið óx
með miklum hraða út um hæðirnar, nýjar götur urðu til á hverjum
degi, hús risu og leikvellir fylltust af krökkum sem sjálfir byggðu sér
kofa úr afgangstimbri. Ósvikinn frumbýlingsbragur var yfir fólkinu
og þessum nýju heimkynnum, hráar og ómálaðar steinblokkir til
allra átta. (Ai:190)
Þess ber þó að geta að Albert er nefndur aftur strax í upphafi næstu efn-
isgreinar svo að það er ekki alveg jafnlangt á milli tilvikanna um nafn hans
og um Marion í dæmi (32).
6. Marion í öðrum skáldsögum
Þótt Einvígið sé fyrsta bókin þar sem Marion Briem er í aðalhlutverki
kemur hann/hún fyrir sem aukapersóna í Mýrinni (2001) og Vetrarborginni
(2007). Í þessum bókum beitir höfundur svipuðum aðferðum og hér hafa
verið raktar til að halda kyni Marion leyndu fyrir lesandanum. Þannig eru
ýmis dæmi um að notaður sé ákveðinn nafnliður (t.d. nafnorð með greini)
til þess að komast hjá kynbeygðu persónufornafni. Þetta kemur m.a. fram
þegar Marion er lýst frá sjónarhorni Erlends, sem er í aðalhlutverki í þess-
um bókum, og þar með birtast líka skoðanir hans á Marion:
(34) Honum [Erlendi] fannst Marion sýna það með æ ljósari hætti þar til
lærimeistarinn hvarf loks frá störfum fyrir aldurs sakir. (Arnaldur
indriðason 2001:127)
ÁSa BryndíS • jóhanneS gíSli • Þórhallur