Skagfirðingabók - 01.01.1996, Blaðsíða 55

GUÐRÚN ÓLAFSDÓTTIR A BJARNASTÖÐUM
þeirra var Gísli Gíslason hreppstjóri á Ingveldarstöðum, sem
hér kemur brátt við sögu.
Ekki greinir frekar frá því hver skipti Ólafs og Sigríðar voru.
Máli þeirra lauk með sætt á þá leið að Ólafur hét að greiða
skuld sína að fullu og virðast engin eftirmál hafa orðið. En
þarna er þó fengin staðfesting þess að Ólafur er orðinn bóndi á
Ingveldarstöðum eigi síðar en 1739- Þess utan má hér merkja
að honum hefur verið fjár vant á þessum árum og kemur það
heim við að hann hafi komið „bersnauður" heim frá námi
nokkrum árum fyrr.
Á manntalsþinginu á Sauðá 20. júní 1741 var tekið fyrir:30
Málefni virðulegs lögréttumannsins Gottskálks Þorvalds-
sonar vegna ektakvinnu Ólafs Jónssonar Þorgerðar Orms-
dóttur mót hreppstjóranum Gísla Gíslasyni um ábúð
hálfra Ingveldarstaða sem. Gísli hefur til ábýlis tekið
þetta yfirstandandi ár, en Monsjör Gottskálk uppástend-
ur að Ólafi eða konu hans undir bú þeirra, að iögum hafí
tilheyrt.
í málinu varð sætt með svofelldum hætti:
að greind Þorgerður búr og blífur á téðum hálfum Ing-
veldarstöðum þetta innáverandi ár og njóti jarðar og kú-
gilda að fullu eins og Ólafur áður haft hefur inn til þess
Ólafur aftur til landsins kemur, en síðan fari eftir því
sem lög og billegheit til standa, sömuleiðis skuli Gísli
nú aftur strax afhenda til greindrar Þorgerðar innstæðu-
kúna af téðum parti er til hans sé komin, um hverrar
nytfall frá því hún til Gxsla fór og til nærverandi datum
standi til víðara með þessari forlíkun oprejudicerað.
Hér kemur sitt lítið af hverju í ljós. Ólafur hefur farið í aðra
utanför haustið 1740 og er enn ytra í júní 1741, hann er þá
30 Dóma- og þingbók Skagafjarðarsýslu 1736-1743, bls. 163-164.
53