Múlaþing: byggðasögurit Austurlands - 01.01.1981, Qupperneq 25

MULAÞING
23
KonráS Hjálmarsson (1858—1939) kaup-
maður og útgerðarmaður í Mjóafirði frá
1889 og síðan í Neskaupstað.
,,Konráð vildi að ég fœri ekki lengra“l
Eg var nú spurður um allt mögulegt þessu viðvíkjandi. Þótti það næsta
ólíklegt að hægt væri að hafa frosna síld um hásumar. Ég var spurður
um hvað íshús mundi kosta, og án þess að ég hefði ljósa hugmynd um
það, þá stakk ég upp á 2000 krónum. Þetta þótti öldungis óhæfileg
upphæð, þegar þar við bættist salteyðsla, verkalaun og fleira. Þá var það
að Konráð svaraði, að þeim þætti mikið að leggja út 2000 kr. einu sinni
fyrir langan tíma, en þó sætu þeir af sér 2000 kr. á einum degi, ef allir
bátar er reru úr Mjóafirði yrðu að sitja í landi fyrir beituleysi. Þetta
hafði þau áhrif að flestir voru þó á því að byrja, ef þetta væri ekki allt
saman vitleysa og plötusláttur, sem margir voru hræddir um. Það varð
þá niðurstaðan, að byrjað væri þá þegar að byggja torftóft um haustið,
svo að hægt væri að safna í hana ís um veturinn. Konráð vildi að ég færi
ekki lengra, heldur settist þar að, en ég var ráðinn til Tryggva og varð
því að fara til Reykjavíkur. Bjóst ég við að verða þar um veturinn, en
lofaði mér með fyrstu ferð um vorið austur til að koma upp frystihúsinu.
Með þetta fór ég til Reykjavíkur, og komum við Jóhannes þangað báðir
sama daginn. Fórum við þegar á fund Tryggva og sögðum honum
'Millifyrirsagnir greinarhöf. V.H.