Múlaþing: byggðasögurit Austurlands - 01.01.1994, Qupperneq 61

MÚLAÞING
59
þau fyrir þeim raunum að missa fimm af börnum sínum, fjögur í frum-
bemsku og dótturina Henríettu, sem lést rúmlega tvítug úr lungnabólgu.
Nú er þess að geta að á fyrri öldum var enginn verslunarstaður milli
Djúpavogs og Eyrarbakka, fyrr en reynt var að sigla á Papós eftir 1860.
Vom þar byggð verslunar- og íbúðarhús. En skipalegan reyndist hættu-
leg vegna kastvinda úr fjallaskörðum og erfitt var að fást við ósinn.
Þarna var þó verslað fram undir 1897 að verslunarhúsinu var fleytt til
Hafnar í Hornafirði. Er byggðasafnið nú í húsinu. En miklu munaði fyrir
íbúa Austur-Skaftafellssýslu að geta verslað á Papósi í stað þess að fara
alla leið til Djúpavogs eins og verið hafði um aldir.
Árið 1881 fluttust Friðrik og Guðbjörg að Papósi og settust að í húsi,
sem byggt var fyrir þau og nefnt Von. Yngri dæturnar, Júlíetta og Stein-
unn, fóru með þeim. Katinka var þá farin að búa í Skriðdal. Friðrik vann
við verslunina en vegna áðurnefndra erfiðleika gekk hún ekki sem
skyldi. Júlíetta fór til Djúpavogs eftir tvö ár og árið 1885 fluttust hin
þrjú brott. Guðbjörg og Steinunn voru á Hofi í Álftafirði næsta vetur.
Friðrik fór til Kaupmannahafnar að sögn afkomenda til að athuga þann
möguleika að setjast þar að. Ætlaði svo að koma aftur og sækja
mæðgurnar. En til hans hefur ekki spurst síðan.
Guðbjörg var með börnum sínum á Bjargi við Djúpavog árin 1887-
1889 en fluttist til Héraðs eftir lát móður sinnar. Hún var í Þingmúla í
Skriðdal við manntal árið 1890, að Víðilæk 1891 og fór þaðan að Valla-
nesi 1892. Þar var hún tvö ár. Dætur hennar voru á sömu slóðum á þessu
árabili. Guðbjörg hefur ekki hlíft sér við erfiði, því hún er skráð vinnu-
kona á öllum þessum stöðum. Árið 1883-1884 eru mæðgurnar allar
vinnukonur hjá séra Magnúsi Blöndal Jónssyni.
Katinka Grönvold og maður hennar Auðunn Halldórsson fluttust að
Eirrksstöðum á Fossárdal í Berufirði vorið 1893. Guðbjörg, Júlíetta og
Steinunn fluttust þangað vorið 1894. Júlíetta fluttist aftur að Vallanesi
eftir ár. Hinn 4. janúar 1896 fór hún út í Egilsstaði ásamt annarri vinnu-
konu í Vallanesi. Dvaldist þeim um daginn og fóru aftur heim í myrkri.
Vildi þá svo slysalega til að þær drukknuðu báðar í Grímsá.
Steinunn lenti einnig upp í Hérað en fluttist aftur að Eiríksstöðum á
Fossárdal vorið 1898, fæddi þar dóttur um sumarið og flyst enn í Hérað
aldamótaárið. Faðir telpunnar var Gunnar Jónsson á Nefbjarnarstöðum í
Tungu. Ólst hún upp hjá föðurfólki sínu, hlaut nafnið Guðbjörg Júlíetta,
fór í Alþýðuskólann á Eiðum og lauk síðar kennaraprófi (sjá Kennara-
tal). Steinunn lést á Torfastöðum í Hlíð 4. júní 1905. Var þar vinnukona.
Með láti Steinunnar má segja, að mælir sorgarinnar hafi verið fylltur