Skagfirðingabók - 01.01.2002, Page 13

ATHAFNASKÁLD f SKAGAFIRÐI
Áttunda barn þeirra hjóna var Sigurður, sem þessi þáttur fjallar
um, f. 7. ágúst 1918. Auk þess tóku þau hjón til fósturs frá
frumbernsku, Eðvald Gunnlaugsson, f. 31. ágúst 1923. Eðvald
var lengi búsettur á Sauðárkróki, þar sem hann rak verslun um
margra ára skeið ásamt konu sinni, Málfríði Eyjólfsdóttur. Þau
eru nú búsett í Reykjavík.
Sigurður Sigfússon ólst upp með foreldrum og systkinum í
Gröf. Eftir barnanám sótti hann fræðslu í unglingaskóla að
Hofsósi, síðan einn vetur í Bændaskólanum á Hólum. Árið
1938 hóf hann svo nám í trésmíði við Iðnskólann á Siglufirði
undir handleiðslu Guðmundar Jóakimssonar byggingameistara
og lauk þar burtfararprófi með 1. einkunn vorið 1941.
Frá Siglufirði lá svo leiðin til Vestmannaeyja og fullnustu í
iðngreininni. Þar starfaði Sigurður hjá þeim Magnúsi Magnús-
syni og Engilbert Jóhannssyni byggingameisturum sem ráku
sameiginlega byggingarstarfsemi og lauk sveinsprófi þar í
húsasmíði með 1. einkunn, samkvæmt sveinsbréfi útgefnu 12.
apríl 1943. Næstu tvö árin mun Sigurður hafa starfað í Vest-
mannaeyjum við iðn sína, síðast í trésmiðju Ársæls Sveinsson-
ar, sem jafnframt útgerð rak lítinn slipp til skipaviðgerða. Á
Siglufirði hafði Sigurður stofnað til fyrsta hjónabands síns, er
hann gekk að eiga Helgu Guðrúnu Baldvinsdóttur frá Ysta-
Mói, sem fluttist með honum til Eyja, þar sem þeim fæddist
sonurinn Freyr Baldvin.
Atvinnurekstur á Sauðárkróki
Sumarið 1945 verða síðan þau þáttaskil í lífi Sigurðar Sigfús-
sonar bóndasonar frá Gröf á Höfðaströnd, sem óhikað má telja
að jafnframt hafi verið upphaf að nýjum kafla í sögu kauptúns-
ins Sauðárkróks, sem og alls Skagafjarðarhéraðs. Þá flyst hann
til Sauðárkróks með fjölskyldu sína og stofnar þar byggingar-
fyrirtæki með tilheyrandi trésmíðaverkstæði, og nú hefst á
Sauðárkróki sá kafli f sögu kauptúns og héraðs sem fáa ef
11