Skagfirðingabók - 01.01.2002, Page 35

ATHAFNASKÁLD f SKAGAFIRÐI
En Hjálmar getur þá ekki um, hvernig ástandið var á
Sauðárkróki áður en Hraðfrystistöðin tók til starfa. Og
hvað hefði þetta fólk haft, sem nú bjó við „neyðarástand"
ef þessi stöð hefði ekki verið starfrækt 1956 — fram að
17. ágúst? (Sbr. áður tilgreindar vinnulaunagreiðslur).
Hitt atriðið er „fordæmi annarra", sem Hjálmar nefnir
svo. Á hann þar við starfsemi Fiskiðjunnar, en Fiskiðjan
er hlutafélag myndað af Sauðárkróksbæ og Kaupfélagi
Skagfirðinga um rekstur hraðfrystihúss, sem kaupfélagið
er eigandi að. Þetta hlutafélag var stofnað í febrúar 1956
og er því ekki ársgamalt þá er ritsmíð Hjálmars fæðist.
En Hjálmar lætur sig samt hafa að tala um „öll þau ár
sem Fiskiðjan hefir starfað." Hann segir: „Öll þau ár
sem Fiskiðjan hefir starfað, hefir það alltaf greitt starfs-
fólki sínu vikulega kaup, samkvæmt gildandi lögum... “
En þessi staðhæfing er heldur ekki rétt. Því miður varð
þetta fyrirtæki einnig að bíta í það súra epli að geta ekki
greitt vinnulaun svo mörgum vikum nam — á stundum.
Afköst Fiskiðju hefði greinarhöfundur hennar vegna, átt
að spara sér að minnast á eins og aðrar staðleysur sem
hann fer með, annað hvort óafvitandi eða af ásettu ráði,
nema að hvorttveggja sé. En út í mál Fiskiðju skal ekki
frekar farið, því ég tel þau mér óviðkomandi.
Ekki fer hjá að Sigurði þyki ádeila Hjálmars af undarlegum
hvötum runnin og varla að undra þótt honum verði á að leiða
getum að hvort þar sé á ferðinni sendimaður einhverra þeirra
afla í bæjarfélaginu sem láti sér ósárt um þótt um stund hægist
ferðin. „En annars er þessi áhugi Hjálmars fyrir verkalýðsmál-
um Sauðárkróks — jafnvel löngu áður en hann sjálfur kemur til
þessa bæjar — nokkur ráðgáta. Getur hugsast, að einhverjum
hér hafi fundist Hjálmar þessi vera hvalreki á fjörum sínum og
séð í honum fíflið sem í foraðið skyldi att?“
Ljóst var orðið þegar hér var komið sögu að fyrirtæki Sigurð-
ar áttu við að etja rekstrarörðugleika og var síst fagnaðarefni
3 Skagfirðingabók
33