Skagfirðingabók - 01.01.2002, Side 36

SKAGFIRÐINGABÓK
mörgum þeim er höfðu gert sér ljóst hverju hann hafði áorkað í
uppbyggingu bæjar og héraðs. Jafnframt voru þeir hinir sömu
uggandi um stöðu þeirra mála ef svo færi að Sigurður kæmist í
þrot og rekstur stöðvaðist.
Pólitísk átök mögnuðust og einhver brögð munu hafa verið
að því að þeir sem jafnvel sjálfir byggðu afkomu sína á rekstri
fyrirtækja í eigu Sigurðar létu sér í léttu rúmi liggja hver afdrif
þeirra yrðu. Greinarskrif Hjálmars urðu Kristmundi Bjarna-
syni fræðimanni á Sjávarborg efni til hugleiðinga um alla for-
sögu þessa máls og leiddi til þess að honum þótti hæfa að draga
fram ástæður þess að svo var komið að viðgangur fyrirtækja á
vegum Sigurðar skipti sköpum fyrir afkomu verkafólks á Sauð-
árkróki. Ástæða er til að skoða hér að nokkru ítarlega greinar-
gerð er Kristmundur ritaði og birtist í Tímanum þann 5. febrú-
ar 1957 og ber heitið „Þáttur úr framfara- og atvinnumálasögu
Sauðárkrókskaupstaðar". Þar segir:
Hinn 5. jan. þ.á. gat að lesa grein í Tívianum um „ten-
ingakast" á Sauðárkróki. Nafnið á greininni er hrollvekj-
andi og girnilegt til fróðleiks. „Teningunum kastað á
Sauðárkróki“. Hver var nú orðinn Cæsar þeirra Sauð-
krækinga? Hver hafði kastað teningi og farið yfir
Rubicon eins og Cæsar forðum, þá er hann hóf hina sig-
ursælu herför sína og lagði undir sig Ítalíu? Af lestri
greinarinnar verður þetta ekki fullljóst, en að líkindum
koma þó aðeins tveir menn til greina: Sigurður Sigfús-
son byggingameistari, eða höfundur greinarinnar
Hjálmar Theódórsson. Þar eð sá síðarnefndi gerir orð
Cæsars að sínum, má vænta þess að hann sé hér í gervi
hins sigursæla hershöfðingja, en sá fyrmefndi fari með
hlutverk hins sigraða.
Vegna þeirra sem lítt þekkja til á Sauðárkróki og gefið
hafa Hjálmari Theódórssyni hershöfðingjanafn af fals-
lausum huga og ætla hann hafa unnið mikinn sigur
34