Skagfirðingabók - 01.01.2002, Page 48

SKAGFIRÐINGABÓK
„Má vera að Sig. Sigf. sé um of bjartsýnn. En það er þá aðal-
lega á úrræði hinna ráðandi manna.“ I síðari hluta greinarinnar
heitir höfundur á ráðamenn að veita Sigurði fjárhagslegt full-
tingi til að koma fyrirtækjum sínum í fullan rekstur á ný. Jafn-
framt imprar hann á því, að honum leiki á því grunur að í
gangi sé einhver starfsemi innan héraðsins sem stefni að því að
koma S.S. á kné „til óverðugs ágóða fýrir K.S.“ Hann leyfir sér
þó að efast um að á bak við þann gráa leik standi fleiri en þrír
eða fjórir einstaklingar. „En að þessir menn eru til, a.m.k. utan
héraðs — það er bert af áliti svonefndrar atvinnutækjanefndar,
plaggi, sem að mínu viti er fyrir neðan allar hellur."
Um þetta plagg, sem hér er komið til sögu, og aðdraganda
þess er rétt að fara nokkrum orðum. A fundi bæjarstjórnar Sauð-
árkróks sem haldinn var með bæjarstjóra, Björgvin Bjarnasyni
fimmtudaginn 28. febrúar 1957, var tekið til meðferðar bréf
frá Sigurði, þar sem hann óskar eftir að bæjarstjórn ítreki
áskorun sína til ríkisstjórnarinnar um stuðning við Hraðfrysti-
stöðina hf. og Fiskimjöl hf. svo að þau geti sem fyrst tekið til
starfa. Fram kom í umræðum um málið að beeÖi frystihúsin voru
óstarfhcef vegna fjárskorts.
Og með bréfi þann 8. mars sama ár, óskar kaupfélagið eftir
því við bæjarstjórn að hún veiti meðmæli erindi til ríkisstjórn-
arinnar um lánsfé til Fiskiðjunnar hf. svo fyrirtækið eigi mögu-
leika á að taka á móti heilum togaraförmum.
Þótt naumast sé ástæða til að efa að bæjarstjórnin hafi orðið
við tilmælum beggja og afgreitt með hlutlausum hætti, er þess
að gæta að þarna er hún komin í nokkurn vanda. Annað fyrir-
tækið er sameign bæjarins og kaupfélagsins, hitt ekki í beinum
tengslum við bæjarsjóð. Allmörg fiskvinnslufyrirtæki víðs veg-
ar um land eru í fjárhagskröggum og jafnframt margskonar
önnur atvinnufyrirtæki á landsbyggðinni. A vegum ríkisins er
starfandi nefnd sem hefur það hlutverk að gera úttekt á gagn-
semi opinbers fjárstuðnings við þessi fyrirtæki með það í huga
hversu hagstæð ytri skilyrði séu í hverju tilfelli. Nefnd þessi
46