Skagfirðingabók - 01.01.2002, Side 50

SKAGFIRÐINGABÓK
sem óhlutvöndum mönnum þóknist að koma þar á framfæri.
„F.Þ. hefur áður komið inn á rekstur þessa sama manns, sem
hér er um að ræða“. Hér vísar Konráð að líkindum til greinar
eða „fréttar" á forsíðu Frjálsrar þjðSar laugardaginn 30. mars
sama ár. Fyrirsögnin er: „Deila ráðherra um fjármál Sigurðar
Sigfússonar“. Þar er greint frá því að innan ríkisstjórnarinnar
séu deilur um hvort ganga eigi að Sigurði Sigfússyni sem feng-
ið hafi stórfé til ráðstöfunar í því skyni að koma upp atvinnu-
rekstri. „Hið væntanlega frystihús stendur hálfkarað, en sumt
af fénu, sem átti að fara í það, er bundið í hálfgerðri byggingu,
húsasamfellu suður í Keflavík."
Óhjákvæmilega virðist nú sem Konráð hafi nokkuð til síns
máls og tæpast sé í umræddu blaði fjallað um mál Sigurðar af
lofsverðu hlutleysi. Skrif sem þessi hljóta óhjákvæmilega að
vekja grunsemdir um að það að vekja tortryggni í garð Sigurð-
ar þjóni hagsmunum einhverra. Þarna er rætt um „væntanlegt
frystihús sem standi hálfkarað.“ Þetta frystihús hafði verið einn
veigamesti burðarás atvinnulífs á Sauðárkróki í tvö ár. Og
þarna eru aðdróttanir um allt að því refsiverða ráðstöfun á
fé sem stjórnvöld höfðu ráðstafað til frystihússrekstursins! I
stuttu máli telur Konráð Þorsteinsson að atvinnufyrirtæki Sig-
urðar á Sauðárkróki hafi verið
svelt hvað stofn- og reksturslán snertir. Sést það m.a. á
því að af stofnkostnaði sem eftir matsgjörð trúnaðar-
manna ríkisins nemur tæpt kr. 7.000.000 hefir aðeins
verið veitt ríkisábyrgð fyrir 3,3 milljónir og af þeirri
upphæð aðeins tekist að selja og þannig umsetja í eðli-
legt stofnlán rúmlega 2,3 milljónþr]. Allar veðskuldir á
nefndum fyrirtækjum eru kringum fjórar milljónir og er
þá reiknað með nafnverði einnig þeirra bréfa sem enn eru
óseld. Þetta eru öll ósköpin sem Frjáls þjóð hefir til þess
að fjargviðrast yfír í sambandi við greiðvikni ríkisstjórn-
ar viðkomandi þessum fyrirtækjum. ... Það er hins veg-
48