Skagfirðingabók - 01.01.2002, Qupperneq 67

ATHAFNASKÁLD f SKAGAFIRÐI
Fcestir njóta eldanna sem fyrstir kveikja þá
Það er varla ófyrirsynju þótt þessi orð skáldsins frá Fagraskógi
komi upp í hugann þegar litið er yfir athafnasögu mannsins
sem hér hefur verið fjallað um. Engin vissa er að sönnu fyrir því
að Sigurður hefði orðið mosagróinn á Sauðárkróki og sest þar í
helgan stein sæll og ánægður ef atvinnurekstur hans hefði þró-
ast á þann veg sem að var stefnt og skilað honum vænlegum
ábata. Um það gætu jafnvel vaknað nokkrar efasemdir hvort
Sauðárkrókur hefði gefið honum nægilegt svigrúm fyrir þá at-
hafnaþrá og fjölbreytni í umsvifum sem allur ferill mannsins
virðist sýna að hafi verið honum dýrmætast efni til lífsfyll-
ingar.
Því verður líklega ekki hafnað með gildum rökum, að sjálfur
hafl hann með ýmsu móti, og þó fyrst og fremst af ótraustu
mati á aðstæðum og á stundum hóflítilli bjartsýni á framtíð-
ina, lagt grunn að því að svo fór sem fór í rekstri hans á Sauðár-
króki. Sannarlega virðist þó að þar hafi lengi verið full efni til
að tryggja þeim rekstri framtíð ef fyllsta aðgæsla hefði verið við
höfð. Þetta er mat margra af heimildarmönnum þessa þáttar er
fylgdust með þróun þessara mála frá upphafí til endaloka.
Skylt er þó að fella með gát alla dóma um þetta efni og hafa
eftirfarandi í huga:
Svo sem fyrr er hér getið var allt rekstrarumhverfi sjávarút-
vegs ótraust á þeim tíma erfyrirtæki Sigurðar stöðvuðust. Fjöl-
mörg fyrirtæki í þessari grein víðs vegar um land lentu í svip-
uðum þrengingum og hlutu sömu örlög eða verri, þar sem víða
urðu gjaldþrot. Alitsgerð sú frá Atvinnutækjanefnd, sem vitn-
að er til hér framar, sýnir að Sauðárkrókur var ekki talinn álit-
legur sem útgerðarbær. Sigurði tókst þó að byggja þar upp
blómlega fiskvinnslustarfsemi um tíma og auka tiltrú fólks á
þessum mikilvæga atvinnuvegi. Síðan vex þar upp annað fyrir-
tæki í sama farvegi. Þetta fyrirtæki er afkvæmi stórveldisins í
héraðinu, Kaupfélags Skagfirðinga. Og til að tryggja rekstur
þess enn frekar, kemur bæjarfélagið að því með eignaraðild.
5 Skagfirðingabók
65