Skagfirðingabók - 01.01.2002, Side 117

UM NÁMSFLOKKA SAUÐÁRKRÓKS
NÁMSFLOKKAR SAUÐÁRKÓKS
Kennsla hefst hjá Námsflokkum Sauðárkróks fyrir miðjan
október ef þátttaka reynist nægjanleg. Hvert námskeið verður 20
kennslustundir og kenndar 2 stundir samliggjandi að kvöldi dags
einu sinni í viku.
Eftirtaldar námsgreinar verða teknar fyrir í haust:
Enska 2. fl. (framhaldsfl.) og byrjendafl.
Danska
Bókfærsla, framhaldsfl. og/eða byrjendafl.
Vélritun
Fatasaumur, framhaldsfl. og byrjendafl.
Þátttökugjald er ákveðið kr. 1700 nema í fatasaum kr. 2200 og
greiðist í upphafi námskeiðs.
Formaður skólanefndar, Guðjón Ingimundarson, gefur nánari
upplýsingar og tekur á móti innritun í Námsflokkana og er hann
að jafnaði við í sundlauginni kl. 5—7 síðdegis og á kvöldin næstu
daga, sími 5226. Sxmi heima 5173. Þátttaka tilkynnist í síðasta
lagi fimmtudaginn 9. október.
Gert er ráð fyrir að halda áfram með sömu greinar eftir áramót
og taka þá einnig upp nýjar greinar, m.a. hafa verið nefndar leir-
munagerð og bókband o.fl. Væri þvf einnig gott að fá vitneskju
nú um væntanlega þátttakendur í þeim greinum. Sömuleiðis væri
æskilegt að heyra um áhuga fólks á öðrum greinum, sem teknar
yrðu þá upp síðar í vetur ef unnt reynist.
Sauðárkróki, 4. október 1975
Skólanefndin á Sauðárkróki
Bókfærslu kenndi Aðalsteinn Hákonarson 28 nemendum og í
fatasaumi var 31 þátttakandi í fjórum hópum og kennari var
Jófríður Björnsdóttir. Þátttökugjald var kr. 1200 í hverri grein
og kennslustundir 20.
Kostnaður á þessu fyrsta tímabili varð um kr. 140 þúsund og
borinn uppi af þátttökugjöldum auk lítilsháttar styrkja frá bæ
og ríki.
115