Skagfirðingabók - 01.01.2002, Qupperneq 133

AMERÍKUBRÉF
ið en til þess útheimtist í það minnsta 2 duglegir uxar ásamt
plóg og herfi. Nú var um ekkert annað að gjöra en hleypa mjer
í skuldir fyrir þetta. Það var heldur enginn vandi því nógir
gripa prangarar komu með skepnur í stórhópum og lánuðu
mönnum, en með afarverði og háum rentum. Svo varð maður
að gefa hinar lánuðu skepnur í veð fyrir skuldinni og það sem
maður átti fyrir í viðbót, því ekki máttu þessar blóðsugur
missa eitt einasta cent. Næsta haust tók jeg því til láns hjá
norskum gripakaupmanni 2 uxa 3. ára gamla og víxlaði þeim
næsta sumar fyrir tamda uxa vel miðaldra, þægar og góðar
skepnur og fjekk með þeim gamlan vagn en brúklegan og gaf
25 dali á milli. Þessir þriggja ára voru ótamdir og vitlausir en
jeg ekki fær um að temja þá, þeir kostuðu 120 dali (dollars) og
var óguðlegt verð. En jeg gerði þar góð býtti því hina tömdu
uxa gat jeg brúkað fullum fetum. Svo tók jeg plóg og herfi til
láns líka, svo þá gat jeg loksins farið að hugsa til að „brjóta"
landið. Jeg hjelt áfram með það, þar til jeg var búinn að koma í
akur rúmum 90 ekrum. Fyrstu árin braut jeg landið í samlög-
um við nágranna mína, þar til Barða óx svo fiskur um hrygg,
að hann gat hjálpað mjer. A þeim árum fór jeg með þá litlu
krapta sem jeg átti eptir.
Land mitt var það sem við köllum „brösland" með öðrum
orðum, alt vagsið smá viði af ýmsu tagi og stórir búskar innan-
um, alt það stærsta varð maður að höggva upp með rótum, en
hitt plægði maður niður. Til að brjóta þess háttar jörð þarf
miklu sterkari og öðruvísi lagaða plóga, en á hreina sljettu, og
ekki færri en 4 uxa á hvern plóg. Nú brjóta menn þesskins jörð
með 4 til 6 hestum, því flestallir eru hættir að brúka uxana.
Það er mikið fyrirhafnarmeira að vinna þannig lagað land, en
sljetturnar, en það er líka vanalega endingarbetra. Sljettur eru
vanalega brotnar með einu hestapari. Svo varð jeg að slá alt hey
með orfi og ljá, sem var alt annað en ljett verk, því grasið var
fjarskalega mikið og sterkt og svo allra handa rusl í rótinni.
Jæja, jeg komst fram úr þessu öllusaman slisalaust. Jeg gat
131