Skagfirðingabók - 01.01.2002, Page 141
ELDJÁRNSÞÁTTUR
Síðar verður nefndur þriðji Hallgrímurinn í þessari ætt sem
þarft er að þekkja.
Páll Eggert Ólason getur þess um séra Eldjárn að hann væri
„gáfumaður og skáldmæltur".1 Að loknu námi í Hólaskóla var
hann í þjónustu Steins biskups og hefur nýtt tímann vel til
guðfræðilesturs því að hann varð heyrari við skólann haustið
1720. Strax sumarið eftir fékk hann Möðruvallaklausturs-
prestakall og reisti bú að Auðbrekku í Hörgárdal, jörð sem
stóð undir nafni. Nú var ráð að svipast um eftir kvonfangi.
Heimasæta frá Glaumbæ í Skagafírði varð fyrir valinu, tvítug
dóttir séra Egils Sigfussonar, Þórvör áðurnefnd. Séra Egill í
Glaumbæ var lærður maður og latínuskáld, hafði starfað við
Hólaskóla í tíð þriggja biskupa, Gísla Þorlákssonar, Jóns Vig-
fússonar og Einars Þorsteinssonar, sem heyrari 1678—83 og síð-
an sem rektor 1684-95. Hólarektor og latínuskáld hafði Sigfús
Egilsson faðir hans líka verið og dómkirkjuprestur í tilbót.
Kvonfangið var því hið virðulegasta en ábatasamt var það ekki
því að séra Egill var lítill búmaður, „hneigður meir til bóka en
búskapar" og átti „stundum þröngt í búi, þótt hann sæti í
góðu prestakalli".2
Sr. Sigfús ‘EgiCsson á HoCum,/. 1600
I
Sr. ‘EgiŒSigfusson í gCaum6œ
I
'Þórvör Egiísdottir------ +------------- Sr. ECdjám Jónsson, d. 1725
JfaCCgnmurJ. 1723 'EgiCCf. 1725
Samvistir Þórvarar og Eldjárns urðu skammar því að hún
missti hann í nóvember árið 1725. Var þá úr vöndu að ráða
fyrir ekkjuna. Hún var aðeins 23 ára gömul og hafði fyrir
tveimur sonum að sjá, Hallgrími, fæddum 1723, og Agli,
fæddum í maí 1725. Búskapurinn í Auðbrekku bar enn lítinn
arð og engan auð gat hún sótt í föðurgarð.
139