Skagfirðingabók - 01.01.2002, Blaðsíða 189

ELDJÁRNSÞÁTTUR
inn skörungur. Þá um haustið giftist Magnús Stephensen, son-
ur Ólafs, Guðrúnu, dóttur Vigfúsar Schevings sýslumanns á
Víðivöllum; hafði Vigfús tveggja daga boð inni á Víðivöllum
og veitti skörulega. Margt helsta stórmenni landsins var í
veislunni og ýmislegt mannval annað, sem vænta mátti, þar á
meðal „virðingamenn nær allir úr Skagafirði";117 líklega til-
hafðir, púðraðir í vöngum, með parruk og í hnéháum silki-
sokkum. Trúlega var Eldjárn í hópi veislugesta; Vigfús sýslu-
maður var sonur Hans Schevings klausturhaldara á Möðruvöll-
um og því gamalgróinn kunningsskapur með fjölskyldum
þeirra Eldjárns.
'tians Scfievittg á MödruvöŒum Sr. Stefán ÓCafsson
Vigfus Scheving á VváivöŒum ÓCafur stiftamtmaiur Sigurður Bisftup
I I
Cjuárún 'UigfásáotttrScfieving - + - CMagnús StepCensen
Eldjárn og Kristrún Eyjólfsdóttir áttust haustið 1786 eða
snemma árs 1787. Þau bjuggu á Brúarlandi á móti foreldrum
hennar til 1793, í Enni á Höfðaströnd 1793—1806 og síðast á
Háleggsstöðum í Deildardal frá 1806. Á fyrstu þrettán bú-
skaparárum sínum, 1787-99, eignuðust þau a.m.k. eftirtalin
níu börn, sem öll komust á legg:
a) Hallgrxmur, fæddur 1787 á Brúarlandi. Hann er hjá for-
eldrum sínum ílEnni í manntalinu 1801 og er þá að vísu
sagður 15 ára og ætti samkvæmt því að hafa fæðst 1786.
Manntalið „1801“ var hins vegar ekki tekið fyrr en 1803 í
Hofsþingum og verður því að ætla að Hallgrímur hafi
fæðst seinni hluta árs 1787. Hann fór til séra Þórarins
Sigfússonar á Tjörn í Svarfaðardal, var skráður hjá honum
á Tjörn sem 20 ára tökupiltur í desember 1807 en sem 22
187