Breiðfirðingur - 01.05.2018, Qupperneq 91

BREIÐFIRÐINGUR 91
mögulegum útgáfum en allt kom fyrir ekki. Þegar öll sund virtust lokuð datt
mér í hug að slá inn herskráningarnúmerið sem fyrir kemur í fyrr nefndu
sendibréfi og viti menn, nú fór eitthvað að gerast. Upp á tölvuskjáinn kom
nafnið Hurley Gillis ásamt tilvísunarnúmerum í gögn honum tengd í Kanadíska
þjóðskjalasafninu. Þessi skjöl pantaði ég um hæl og fékk send ljósrit af þeim. Við
lestur þessara skjala kom í ljós að Hallgrímur Valgeir Sigurðson hafði ekki látist í
fyrri heimstyrjöldinni heldur snúið aftur til Kanada ásamt enskri eiginkonu sinni.
Samkvæmt þessum gögnum höfðu þau búið í Hampton í Kings County í New
Brunswick. Þar lést Hallgrímur síðan árið 1942 og var grafinn í kirkjugarði við
St. Pauls Anglican church.
Á þessum tíma varð nokkurt hlé á rannsókninni þar sem við Hjördís vorum
þá skilin að skiptum. Ég sendi öll gögn varðandi málið til Gyðu Jónsdóttur, systur
Hjördísar, en hún hafði frá upphafi sýnt máli þessu sérstakan áhuga. Árið 2006
hafði Gyða síðan samband við mig til að kanna hvort ég væri ekki reiðubúinn til
þess að hafa samband til Kanada og klára dæmið, eins og hún orðaði það. Þegar
þráðurinn var tekinn upp aftur varð fyrst fyrir að rita bréf til St. Pauls Anglican
church og spyrjast fyrir um legstað Hallgríms og hvort hann ætti einhverja
afkomendur svo vitað væri. Nú létu viðbrögðin ekki á sér standa. Tíu dögum
eftir að ég sendi bréfið til St. Pauls Anglican church fékk ég tölvupóst frá Joyce
Mersereau, dóttur Hurley Gillis. Þögn sem varað hafði í tæp 90 ár var rofin. Nú
kom upp úr kafinu að Halli frændi hafði ekki einungis lifað stríðið af heldur átti
hann sjö börn með konu sinni Annie, þannig að í Kanada og aðallega í New
Brunswick er frændgarður álíka stór og sá sem er á Íslandi. Það tók þó nokkurn
tíma að melta þessa nýju stöðu málsins og ekki alveg ljóst hvað tæki við, þar sem
leitin hafði jú snúist um að finna gröf manns sem lést fyrir 90 árum og það þurfti
tíma til að átta sig á þessari nýju stöðu sem upp var komin. Sumarið 2008 kom
síðan í framhaldi af þessu fríður flokkur kvenna frá Kanada. Þar var komin Joyce
Mersereau og dætur hennar. Urðu þá hinir mestu fagnaðarfundir með þeim og
ættingjum víðs vegar af landinu.
Hal Gislason – Hurley Gillis
Hallgrímur Valgeir Rósinkrans Sigurðsson var fæddur á Eiði í Eyrar­sveit í Snæfellsnessýslu, þann 21. ágúst 1892. Foreldrar hans voru þau
Jóna Jónsdóttir (1857–1950) og Sigurður Gíslason (1858–1941) Hallgrímur var