Breiðfirðingur - 01.05.2018, Qupperneq 115

BREIÐFIRÐINGUR 115
svæði sem er um 15–25 m og bólar víða upp úr sandinum sem þar er. Engin um­
myndun er sjáanleg. Mikið loftbólustreymi.
Kolbeinsstaðahreppur
Snorrastaðir. Í djúpri skvompu norður af svonefndu Þjófhellisrjóðri í Eldborgar­
hrauni kemur fram heitt vatn í tveim gjótum. Um þennan stað er fyrst getið
í Árbók Ferðafélags Íslands árið 1970 og þar mun hafa mælst 45°C 31. des.
1945. Þessar upplýsingar eru hafðar eftir Magnúsi heitnum Jónssyni á Snorra­
stöðum. Mestur hiti mældist árið 1977 42°C, en víða í grenndinni bræddi af og
er gróður þar gróskumeiri en annars staðar í hrauninu. Ofan í gjótunum tveimur
eru kalkútfellingar. Nú er búið að bora á þessu svæði og heitt vatn leitt heim að
Snorrastöðum.
Landbrot. Landbrotalaugar eru norðan undir Eldborgarhrauni. Jarðhitinn
kem ur þar upp á 100–150 m langri línu við hraunjaðarinn. Línan liggur frá
vestri til austurs og er 20–30 m breið. Mikill fjöldi auga er á línunni og kalkút­
fellingar eru áberandi. Árið 1944 mældist hæstur hiti 58°C (skýrsla Rannsóknar­
ráðs ríkisins 1944). Haustið 1976 og sumarið 1977 mældist hæstur hiti 56°C
og var það um miðbik svæðisins. Á vesturhluta þess mældist hæstur hiti 44°C
en austast 36°C. Vatnsrennsli úr hverju auga er lítið en af svæðinu í heild er það
án efa nokkr ir lítrar á sekúndu. Á vesturhelmingi svæðisins eru tvær flatvaxnar
kalkhrúðursbungur, um 20–30 m í þvermál, og ofan í þá vestari er eins metra
djúpur ketill sem er fullur af 41–43°C heitu vatni sem notað er til baða.
Syðri­Rauðamelur. Jarðhita verður vart á allstóru svæði austan undir hrauninu
frá Syðri­Rauðamelskúlu. Syðsta volgran er um 19°C heit en rennsli er lítið sem
ekkert. Litlu norðar er 26°C heitt dý sem reft hefur verið yfir. Nokkru norðar
er laug, sem grafin var út fyrir um 30 árum, og liggur hún nærri gossprungunni
sem Syðri­Rauðamelskúla myndaðist á. Mestur hiti í lauginni mældist 1977 um
55°C. Rennsli hefur verið áætlað um 3 l/s (skýrsla Rannsóknarráðs ríkisins 1944).
Allt í kringum laugina eru smá augu og nokkuð af kalk­ og ryðútfellingum.
Norðar, í króknum milli staks gígs og aðalhraunsins frá Syðri­Rauðamelskúlu,
eru mýmörg augu í blautri mýri. Flest þeirra eru 20–30°C heit en nokkur eru
köld, en úr þeim öllum bólar upp mikið af kolsýru. Kalkútfellingar eru áberandi.
Norðan og austan undir staka gígnum eru nokkur augu, það heitasta um 27°C.
Nokkru austar og upp í Gullborgarhrauni er nokkuð stór hvítur melur. Þar er
stórt útkulnað útfellingasvæði.