Breiðfirðingur - 01.05.2018, Blaðsíða 116

BREIÐFIRÐINGUR116
Haffjarðará. Úti í Haffjarðará, norðanvert við svonefnt Langanes, eru nokkrar
volgrur sem ekki koma uppúr nema lágt sé í ánni. Þær eru nær eystra landinu,
um 10­15 m út í ánni. Jarðhitinn kemur þarna upp á tveimur samsíða sprungum
sem stefna VNV–ASA. Sú syðri er allt að 25 km löng en sú nyrðri um 10 m
löng. Syðri sprungan er greinilega misgengin.Vatnið, sem er mjög kolsýrumeng­
að, seytlar upp um rifur og op á sprungunni. Árið 1977 mældist mestur hiti um
25°C en rennsli er lítið. Við uppstreymisopin eru rauðleitar og gulleitar útfell­
ingar. Jarðhitinn hefur hlaðið upp um 20–30 cm háum og 5 m löngum hrygg af
útfellingum.
Heggstaðir. Austan Þverfells er lækur sem rennur í Hlíðarvatn og ofarlega og
austan við hann (rétt neðan vegarslóðans) er ölkelda í mýri. Hiti mældist í maí
1977 um 5°C, en um 2,5°C í nóvember sama ár. Rennsli er lítið. Eldrauðar og
bleikrauðar útfellingar eru áberandi.
Sandfell. Austan undir Sandfelli kemur vatn með ölkeldubragði upp úr mel á
nokkru svæði. Hitastig þess var frá 5°C upp í 11°C í maí 1977. Rennsli er lítið,
en hvítar og rauðleitar útfellingar eru á steinum.
Hallkelsstaðahlíð. Í landi Hallkelsstaðahlíðar eru nokkrar ölkeldur. Inni í Dýja­
dal eru tvær ölkeldur, önnur í Selbrekkum og hin í Bleikilyngsbrekkum. Þessar
tvær koma upp í hallamýri og bóla nokkuð upp, en rennsli er lítið.
Í farvegi Fossár, milli Bolalágar og Bjargurðar, eru ölkeldur dreifðar um all­
nokkurt svæði. Rennsli er lítið en mikið af eldrauðum og hvítum útfellingum. Í
Hlíðarvatni, innan við 100 m útundan Neðstakasti, er ölkelda, sem kemur uppúr
þegar lítið er í vatninu. Þar er skál, sem er um 1 m í þvermál og hvítar og rauðar
útfellingar eru í kring. Á öðrum stað, skammt innan við hólmann sem er suður
undan Hallkelsstaðahlíð, bólar upp en ekki er ölkeldubragð af vatninu.
Oddastaðir­Ölviskross. Við vík þá austur úr Oddastaðavatni, sem vegurinn upp
í Heydal var lagður fyrir, eru ölkeldur á víð og dreif, bæði á þurru og úti í vatninu.
Þær, sem eru á þurru, eru sunnan megin við víkurbotninn, sunnan lækjar en
neðan gamla vegarins. Þar eru nokkrar ölkeldur í mýri og bólar víða upp kolsýra.
Hiti mældist í maí 1977 allt að 9°C, en aðeins 0,5 í nóvember sama ár. Gegnt
þessum ölkeldum, norðan til í víkinni, bólar víða upp úr vatninu á allstóru svæði.
Eyjahreppur
Ytri­Rauðamelur. Í nesinu gegnt Kaldalæk eru nokkrar volgrur í mýri (á 10x10 m