Breiðfirðingur - 01.05.2018, Qupperneq 147

BREIÐFIRÐINGUR 147
Bannað að tuða
Starfsemi Barðstrendingafélagsins árið 2017 var að mestu með hefðbundnu sniði.
Félagið á lítinn sal við Hverfisgötu 105, Konnakot, þar sem öll okkar starfsemi
fer fram utan stærri viðburða. Félagsvist var spiluð á tveggja vikna fresti í sex
skipti, fyrir og eftir áramót.Við leggjum mikla áherslu á létt andrúmsloft í félags­
vistinni og að allir séu velkomnir, líka þeir sem eru að læra spilið. Við grínumst
stundum með að eina reglan í spilunum sé sú að það er bannað að tuða!
Í janúar tókum við forskot á þorrann, hittumst og smökkuðum á þorramat,
sungum og skemmtum okkur í kvöldstund.
Við héldum hagyrðingakvöld í mars á eigin vegum og svo höfum við und­
anfarin þrjú ár verið í samvinnu við Breiðfirðingafélagið um hagyrðingamót í
nóvember. Á kvöldinu okkar í mars leitum við gjarnan til hagyrðinga úr héraði
en í nóvember er það opnara.
Það er komin hefð fyrir því að hafa opið hús á síðasta vetrardag og síðasta dag
sumars. Eftir að félagið fjárfesti í bingóspjöldum og ­vél höfum við spilað bingó
á þessum opnu húsum. Fyrirtæki og einstaklingar styrkja okkur með vinningum
af miklum höfðingsskap.
Við höfum haft það fyrir reglu að græða ekki á viðburðum félagsins heldur
seljum við inn á félagsvistina og hagyrðingakvöldið til að hafa fyrir kostnaði.
Ágóða af bingóunum leggjum við til hliðar en við erum að safna fyrir sérstökum
plötum í loftið á salnum okkar, til að bæta hljóðvistina.
Fyrsta sunnudag í desember höldum við jólavöku, fáum rithöfunda til
að kynna bækur sínar, gjarnan sem tengjast annaðhvort Austur­ eða Vestur­
Barðastrandarsýslu. Að þessu sinni fengum við Guðna Th. Jóhannesson, forset­
Ólína Kristín Jónsdóttir
Af starfsemi Barðstrendingafélagsins