Tímarit Máls og menningar - 01.02.2010, Síða 86

N a z i m H i k m e t
86 TMM 2010 · 1
kraginn úr merði
og þarna er lampi í hendi þjónsins
og ég ræð mér ekki fyrir gleði

af einhverjum ástæðum fer ég að hugsa um blóm
draumsóleyjar kaktusa páskaliljur
ég kyssti Mariku í páskaliljugarðinum Kadikoy í Istanbúl
ferskar möndlur í andardrætti hennar
ég var sautján
hjarta mitt ólmaðist og snerti himininn
vissi ekki að ég elskaði blóm
vinir mínir sendu mér þrjú rauð drottningablóm í fangelsið

nú mundi ég skyndilega eftir stjörnunum
ég elska þær líka
hvort sem ég horfi upp til þeirra njörvaður við jörðina
eða fljúgandi innan um þær

ég er með nokkrar spurningar handa geimförunum
voru stjörnurnar margfalt stærri
voru þær eins og risastórir demantar á svörtu flaueli
eða apríkósur innan um appelsínur
fylltust þið stolti við að komast nærri stjörnunum
ég sá litmyndir af alheiminum í tímariti og nú megið þig ekki
komast úr jafnvægi félagar en hvað getum við sagt óhlutbundnar
eða abstrakt allavega voru sumar myndirnar nákvæmlega eins og
slík málverk með öðrum
orðum hræðilega hlutbundnar og áþreifanlegar
ég var með hjartað í hálsinum þegar ég horfði á þessar myndir
þær eru hin eilífa þrá okkar að skilja heiminn
meðan ég horfði á þær gat ég jafnvel hugsað um dauðann án þess að
finna til depurðar
vissi ekki að ég elskaði alheiminn

snjór leiftrar fyrir augum mínum
bæði þung hæg blaut snjókorn og svo þessi þurru og þyrlandi
vissi ekki að ég elskaði snjóinn

grunaði ekki að ég elskaði sólina
jafnvel kirsuberjarauða eins og sólsetrið núna