Tímarit Máls og menningar - 01.09.2011, Blaðsíða 5

Vi ð d a g s e t u r
TMM 2011 · 3 5
Það er tilhlýðilegt og rétt að til sé endastöð,
æskilegt að daglega opni jörðin glufur sínar
og taki við mergð góðra og gegnra borgara
og varpi þeim ásamt skálkunum í ástand ómegins.
Göfugu grafir, þið hýsið gervalla mergðina
og bjóðið bæði uppá fæði og fastheldna beði!
Jörðin hefur alið verðug afkvæmi guðanna.
Hún ól þau svikalaust og svipti þeim burt,
lét aldrei hræra sig til aumkunar.
Bókhlöður heimsins eru þöglar og þungbúnar –
glúpna af skömm yfir því að skammlíf manneskjan
finnur ekki í þeim lykla að leyndardómum veraldar.
Þær geyma tvíræðar tilgátur um orsakir stríðs og dauða,
og vísast er þar skrælnuð innanum skorpnar síðurnar
örsmá urt sem linar lífsleiðann,
en fyrren við fáum ráðið dulmælin
verðum við að afsala okkur orðabanginu,
grafa purkunarlausan pennann
sem við mundum til að móta kliðmjúka söngva
eða krota flóknar formúlur og torrætt orðaprjál.