Tímarit Máls og menningar - 01.03.2013, Blaðsíða 128

„ B i s n i s s m a ð u r e ð a æ v i n t ý r a f u g l“
128 TMM 2013 · 1
en þessi kjör batna einungis ef sæmilegur árangur næst af sölu og að endur-
prenta þurfi bókina.
Ég vil hafa okkar samskipti kvitt og klár eins og bréf þín gefa tilefni til. Þar
skal farið eftir samningum og ekki hlustað á kvabb eða peningavandræði og
aldrei nein samskipti undir áhrifum áfengis. Vonandi að þú getir skilið það
og fallist á.
Á þessu augnabliki hef ég ekki meira að segja, en vænti að heyra frá þér
sem fyrst. Ég fer erlendis í fyrramálið en kem aftur í byrjun júní og vænti
þess að bréf bíði mín þá.
Bestu kveðjur og lifðu heill.
Jóhann Páll.
Talnaglöggir menn átta sig væntanlega á ofangreindu um greiðslur til handa höf-
undi Kjallarans sem Forlagið gaf út 1991, ári áður en Steinar dó. – Í lok þessarar
samantektar um brokkgengan höfundarferil Steinars Sigurjónssonar rödd úr þeim
menningarkima sem hann lifði í mestöll sín fullorðinsár; óþarft er að geta nafns
höfundar:
Hjarðarhaga 28.
Minn kæri vinur, Steinar skáld. Í kvöld hef ég fundið blóðið renna svo
yndislega í æðum mínum, dropar gleðinnar hafa glitrað í sál minni og á
vörum. Ég geymi minninguna um þig og Jónas Svavár sem báðir eigið eftir
að hverfa út úr sólkerfinu eins og hvítir fuglar sem sungu eins og þeir höfðu
hæfileika til.
Ég vil hitta ykkur aftur strákar svo við getum drukkið og sungið í
kúbikmetravís.
Hví skyldum vér dá rautt blóð.
Vér sem höfum storknað í menningunni.
Rennandi blóð.
Vér sem höfum kastað fyrir borð losta vorum.
Vér geldingar.
Afsprengi guðdómsins.
Ekki rautt blóð.
Vér flibbamenn.
Hvít lík.
Vér sem höfum storknað
í menningunni.
Sjáumst vinir
Síðar.
(sign.)