Tímarit Máls og menningar - 01.06.2016, Side 11

B r é f S i g u r ð a r N o r d a l s t i l N ö n n u
TMM 2016 · 2 11
tíma mínum? Hið fyrrnefnda veit ég að þú myndir ekki vilja frekar en ég, og það
síðarnefnda treysti ég mér til að vera maður til að ráða við. Það eina sem kæmi til
greina er að ég myndi missa framkvæmdaviljann af ótta um velferð þína og ekki
þora að taka áhættuna af að grípa óviss tækifæri. En þeim mun sterkari sem þú ert
að takast á við vonbrigði sem gætu hlotist af, því minni ástæða er til að óttast það.
(13/12 1913.)
Og Nanna vill – eins og ráða má af bæði bréfunum og dagbókinni – vera
sterk og nútímaleg kona. Hún vill ekki að Sigurður beri neina „brodd-
borgaralega ábyrgð“ á henni (22/8 1914) þannig að hún fellst á þessa kosti.
Þau verða sammála um að Nanna skilji við Teodor um vorið og giftist Sigurði
í Kaupmannahöfn haustið 1914. Hann vill, skrifar hann, að hún verði móðir
barnanna hans og að þau muni lifa saman þar til dauðinn aðskilur þau.
Hann ætlar að vísu að ferðast til Parísar fjórum mánuðum eftir brúðkaupið
en hún á að fylgja á eftir seinna og læra listasögu þar. Fjárhaginn munu þau
kljúfa einhvern veginn og á endanum setjast að í Reykjavík, þótt Sigurður
segi að það sé ömurlegur smábær (S.N. bréf dagsett 4/12 1913, póststimplað
5.1.1914).
Skilnaðurinn gekk samkvæmt áætlun og Teodor leitaði huggunar hjá Rut,
nákvæmlega eins og Nanna hafði vonast eftir, en áform um sameiginlega
ferð þeirra Sigurðar til Parísar raskast þegar fyrri heimsstyrjöldin brýst út
sumarið 1914. Um sumarið hafa þau líka komist að þeirri niðurstöðu að þau
muni vissulega gifta sig í október en að þau skuli skilja um leið og annað
þeirra óskar þess. (S.N. 24/7 1914). Þetta á að vera nútímalegt og opið hjóna-
band! Nanna kemur til dönsku höfuðborgarinnar í ágústlok og þau gifta sig
þar í október 1914, um sama leyti og Sigurður ver doktorsritgerð sína um
Ólafs sögu helga. Það er ekki ljóst af varðveittum heimildum hvort Nanna
tók þátt í doktorsveislunni. Brúðkaupið fer hvað sem öðru líður fram án
mikilla hátíðahalda: Látlaus kvöldverður er haldinn á heimili Sigfúsar Blön-
dals og eiginkonu hans, hins stórgáfaða femínista, Bjargar Þorláksson,2 sem
er frænka Sigurðar og verður fljótt trúnaðarvinkona Nönnu. Önnur þekkt
kvenréttindakona í Kaupmannahöfn verður vinkona beggja: Laufey Valdi-
marsdóttir.3
Mikilvægasta heimildin um líf þeirra hjóna eftir brúðkaupið er dagbók
Nönnu frá árinu 1915. Þar skrifar hún: „Í október giftum við okkur og
fluttumst hingað, í þessi tvö stóru herbergi, sólarmegin á fimmtu hæð við
Vesterbrogade 20. Hér höfum við síðan haft það býsna gott og fundið frið og
nokkurn samhljóm í samlífi okkar.“ (9/3). Orðið „nokkurn“ [delvis] bendir
þó til þess að ekki sé allt fullkomið. Hún segir einnig frá því að fyrrverandi
maður hennar, Teodor, hafi gifst vinkonunni Rut, einmitt eins og hún hafði
ráðgert. Það tryggir að vissu leyti að hún muni geta haldið góðu sambandi
við Teodor og börnin og að vel verði hugsað um börnin. Raunar heldur Teo-
dor áfram að styðja við Nönnu fjárhagslega4 sem gerir líf hennar þægilegra
en ella hefði orðið.