Tímarit Máls og menningar - 01.06.2016, Side 34

K r i s t í n Ó m a r s d ó t t i r
34 TMM 2016 · 2
Hvað gerir þig glaða?
Góð tíðindi. Og svo er gaman þegar maður nær einbeitingu.
Hvað gerir þig dapra?
Margt. Slæm tíðindi. Leiðinlegt að rekja upp.
Af hvernig hljóðum hrífstu?
Ég á kínverska vindhörpu úr bambus sem hangir í álminum úti í garði og
ég hef verið úti í garði undanfarið og mikið þykir mér gott að heyra hana
slást saman. En auðvitað ætti ég að segja klarinett – eins og Eggert lék á þegar
við kynntumst.
Hvaða hljóð þolirðu ekki?
Þegar flugvélarnar fljúga hér yfir, venst því seint. Þegar ég bjó við Miklu-
braut reyndi ég að breyta umferðarniðnum í jökulfljót en mér tekst ekki að
breyta flugvélaniðnum í neitt bærilegt.
Við hvaða annað starf myndirðu kjósa að vinna?
Ég hef aldrei unnið við ritstörf svo nokkru nemi en ég hef unnið við
kennslu og umönnun barna, líka við menningardeild útvarps og í mennta-
málaráðuneytinu. Kannski gæti ég hugsað mér að vakna til skepnuhirðinga.
Og alls ekki vilja vinna við?
Gallinn við kennsluna er að maður er undir smásjá. Ég var aldrei í vand-
ræðum með börnin en þetta er opinber staða og ég kann illa við starf sem
felur í sér frelsisskerðingu. Ég fór að annast veik börn því mér hugnast ekki
að vera embættismaður því þá verð ég að vera eins og aðrir vilja að ég sé.
Eins og maðurinn í gráu jakkafötunum í Aukaverkunum.
Ég vann í nokkur ár í menntamálaráðuneytinu í námskrárvinnu og fékk
útlenskar skýrslur um úttekt á menntamálum á Íslandi og las stundum
setningar eftir mig sjálfa og uppgötvaði að þetta voru auðvitað sömu upp-
lýsingar og við höfðum sent þeim. Það er svo margt sem fer bara í hringi.
Þetta á við sumar ráðstefnur sem sama fólkið situr. Þekkingin gengur í
hringi og bítur í skottið á sér. Ég vil sem sagt ekki vera embættismaður.
Hvað meturðu mest í fari manneskju?
Einhvern tímann hefði ég sagt að gáfur og hæfileikar fönguðu athygli
mína og auðvitað gerist það oft en eftir því sem árin líða kann ég best við
gamaldags kærleika, að fólk sé þokkalega heiðarlegar manneskjur.