Tímarit Máls og menningar - 01.05.2004, Qupperneq 81

Störa bollan
ing hvort áhugi Davíðs Oddssonar á því að setja löggjöf um eignarhald á
fjölmiðlum - og hringamyndun í atvinnulífmu almennt - eigi ekki rót
sína að rekja til þessarar uppákomu.
I
Hreinn Loftsson hæstaréttarlögmaður var um skeið einn nánasti sam-
starfsmaður Davíðs, fyrsti aðstoðarmaður hans og formaður einkavæð-
ingarnefndar frá upphafi. Hreinn var því úr innsta kjarna Davíðs Odds-
sonar, maður sem hann þekkti og treysti. Einnig má segja um Hrein að
hann þekki Davíð vel, bæði persónuleika hans og aðferðir sem hann
beitir í stjórnmálum. Eftir þingræðu Davíðs 22. janúar óskaði Hreinn
eftir fundi með Davíð til að ræða ásakanir hans og - hér er Davíð ekki
sammála Hreini - til að segja af sér formennsku í einkavæðingarnefnd.
Lundúnafundurinn komst í hámæli með ítarlegri frétt í Fréttablaðinu
1. mars 2003, þar sem vitnað var í fundargerðir stjórnar Baugs og tölvu-
póst Hreins til yfirmanna fyrirtækisins, en eftir fundinn í London óttaðist
Hreinn mjög aðför stjórnvalda - lögreglu, skattayfirvalda, samkeppnisyf-
irvalda - að fyrirtækinu. Sérstaklega eldfimur var sá hluti fréttarinnar að
Davíð hefði nefnt fyrirtækið Nordica og forráðamann þess Jón Gerald -
eða „Gerhard“ eins og Davíð á að hafa kallað hann - Sullenberger, en kæra
af hans hálfu leiddi til þess að lögreglan gerði húsrannsókn hjá Baugi í
ágúst 2002. Davíð hafði fullyrt, í tengslum við Borgarnesræðu Ingibjargar
Sólrúnar Gísladóttur, að hann hefði aldrei heyrt á Jón Gerald minnst fyrr
en við húsrannsóknina hjá Baugi (sbr. Fréttablaðið 1. mars 2003).
Hér er efni í pólitískan reyfara. Tveir gamlir vinir og samstarfsmenn
deila um sannleikann og sjálfur forsætisráðherrann leggur allan sinn
pólitíska trúverðugleika að veði og biður þjóðina að trúa sér. Davíð gekk
raunar enn lengra og vóg alvarlega að heiðri Hreins. Þannig sagði hann í
viðtali við DV 4. mars: „Hann er náttúrlega stjórnarformaður í krafti at-
kvæða þeirra [Baugsfeðga].... Og hann hefur náttúrlega farið í alls konar
viðskiptaævintýri með þessum mönnum, eins og menn þekkja. Ég tel -
fyrst hann bindur trúnað sinn við þá með þessum hætti, sem þeir launa
nú ekki endilega - að þá geti ekki verið önnur skýring á því en að hann
sé illilega háður þeim.“
Raunar er erfitt að skilja hvernig Hreinn Loftsson getur starfað sem
lögmaður eftir ásakanir af þessu tagi, enda er hann beint og óbeint sak-
aður um aðild að samsæri um að múta forsætisráðherra landsins. Aðild
hans að samsærinu er skýrð með því að hann sé „háður“ höfuðpaur-
unum og gefið í skyn að hann sé leiksoppur þeirra og handbendi. í
TMM 2004 • 2
79