Skessuhorn - 18.12.2019, Blaðsíða 24

MIÐVIKUDAGUR 18. DESEMBER 201924
Verslunina Model á Akranesi opn-
uðu hjónin Guðni Tryggvason og
Hlín Sigurðardóttir árið 1992 í 60
fm húsnæði við Skólabraut 18. Þau
fluttu verslunina að Stillholti árið
1995 og árið 2007 fluttu þau í nú-
verandi húsnæði við Þjóðbraut 1,
750 fm húsnæði sem byggt var sér-
staklega undir Model. Á síðasta ári
ákváðu þau að minnka verslunina
og leigðu hluta húsnæðisins út und-
ir verslunina Hans og Grétu.
Blómin svar
við eftirspurn
Í upphafi var Model fyrst og fremst
skartgripa- og gjafavöruverslun en
fljótlega bættu þau við blómasölu.
„Við ákváðum að bæta blómum við
einfaldlega því eftirspurnin var til
staðar. Fólk var að tala um að það
vildi gjarnan geta gefið blóm með
öðrum gjöfum sem keyptar voru
hjá okkur,“ segir Hlín, en hún hef-
ur síðan þá sótt mörg námskeið og
aflað sér þekkingar um blóm og
blómaskreytingar, m.a. hjá Garð-
yrkjuskólanum.
Vildi starfa sjálfstætt
Hlín er Skagakona í húð og hár
en Guðni kemur úr Reykjavík.
Hann er húsgagnasmíðameistari að
mennt og vann hjá Málningarþjón-
ustunni, þar sem hann sá um inn-
réttingar, áður en þau hjónin opn-
uðu Model. Hlín starfaði síðast hjá
Landsbankanum í um 15 ár. „Mér
líkaði vel í vinnunni minni, það var
bara hann sem vildi fara út í þetta
og ég fylgdi bara með,“ segir Hlín
kímin og horfir á Guðna sem segist
ekki geta neitað því. „Mig langaði
bara að vinna sjálfstætt og fannst
þetta góð hugmynd á þeim tíma,“
segir Guðni. „Ég held ég geti full-
yrt að við hefðum aldrei farið út í
þetta hefðum við vitað hversu mik-
il binding og vinna þetta ætti eftir
að vera,“ segir Guðni og Hlín tek-
ur heilshugar undir. „Það er lítið
um frí, sérstaklega fyrstu árin þeg-
ar maður er að byggja þetta upp,“
segir hún.
Skemmtilegra umhverfi
með Hans og Grétu
„Við ákváðum að minnka okkar
búð aðeins og leigja hluta húsnæð-
isins út. Það skapar mikið skemmti-
legra umhverfi fyrir okkur að hafa
Hans og Grétu hér við hliðina,“
segir Guðni. Spurð hvort þau finni
mikið fyrir auknum vinsældum vef-
verslana í sinni sölu segja þau svo
ekki vera. „Kannski gerum við okk-
ur ekki grein fyrir því þar sem við
leggjum áherslu á verslunina okk-
ar, en við höfum verið að auka
áhersluna á samfélagsmiðla og að
vera sýnileg þar. Stelpurnar okk-
ar sjá nú um þá miðla fyrir okkur,
Facebook og Instragram. Fólk get-
ur haft samband við okkur þar og
pantað. En annars seljum við bara
mest hér í búðinni,“ segir Hlín og
Guðni bætir þá við að hann finni
helst mun á hvernig fólk sem kem-
ur í verslunina verslar. „Hér áður
kom fólk beint í verslunina en núna
fer fólk fyrst á netið og kynnir sér
verð og gæði áður en það kemur og
er þá með ákveðnar hugmyndir,“
segir Guðni.
Samkeppni
við Reykjavík
Guðni og Hlín eru sammála um að
samkeppni sé aðeins af hinu góða
og segja þau nálægðina við Reykja-
vík gefa þeim góða samkeppni. „Við
finnum vissulega fyrir því hversu
nálægt Reykjavík við erum og það
heldur okkur á tánum og við þurf-
um að fylgjast vel með, sem er gott.
Við viljum vera samkeppnishæf og
þetta heldur okkur við efnið,“ seg-
ir Hlín. Í Model er gott og mjög
breitt vöruúrval, fjölbreyttar gjafa-
vörur, bæði stór og smá heimilis-
tæki, reiðhjólahjálmar, skartgripir
og blóm, svo dæmi séu tekin. „Við
reynum alltaf að bjarga öllu því sem
fólk er að leita að og sumir segja að
ef það er ekki til í Model þá er það
bara ekki til,“ segir Guðni og hlær.
„Ég hugsa að Model sé meðal elstu
blómaverslana á landinu, kannski
fyrir utan þessar stærri búðir eins
og Blómaval,“ segir Hlín.
Parkinson setti strik
í reikninginn
Model er fjölskyldufyrirtæki og
starfa Guðni og Hlín þar ásamt
dóttur sinni og tengdasyni auk þess
sem Ranný, Rannveig Sturlaugs-
dóttir, hefur starfað í Model í yfir
20 ár og segja Guðni og Hlín hana
fyrir löngu orðna eina af fjölskyld-
unni. „Hún er búin að vera hér svo
lengi að hún er bara ein af okk-
ur. Við erum alveg rosalega hepp-
in með hana Ranný,“ segir Hlín
ánægð. Fyrir tólf árum greindist
Guðni með parkinson sjúkdóm-
inn sem vissulega hefur sett strik
í reikninginn. „Við gætum alveg
hugsað okkur að minnka versl-
unina enn frekar ef tækifæri gæfist,
bæði vegna aldurs og svo til að hafa
fleiri tækifæri til að njóta lífsins og
barnabarnanna okkar meira,“ segir
Hlín og Guðni tekur undir það.
Hafa eignast vini um
allan heim
Eins og fyrr segir hefðu Hlín og
Guðni örugglega ekki farið út í
þennan rekstur ef þau hefðu vit-
að hversu mikil vinna það ætti eft-
ir að vera. En myndu þau í dag
mæla með þessu fyrir aðra? „Ég
held ekki,“ svarar Hlín en bætir þó
við að þetta hafi þó verið skemmti-
legt og gefið þeim mikið. „Við opn-
uðum verslunina á þeim tíma sem
við vorum með þrjár litlar stelpur
á heimilinu, það var oft mikið líf
og fjör og nóg að gera “ segir Hlín.
„En við höfum kynnst mörgu fólki
yfir þennan tíma sem við erum allt-
af reglulega í sambandi við. Þetta
er fólk um allan heim sem við höf-
um kynnst í gegnum viðskipta-
sambönd sem svo hefur þróast
yfir í vinasambönd, svo má ekki
gleyma öllum góðu viðskiptavinun-
um sem við höfum kynnst á þess-
um tíma“ segir Hlín. „Það er án efa
ljósi punkturinn í þessu öllu.“ bæt-
ir hún við. „En skemmtilegast af
öllu við þetta er alltaf að gera góða
sölu,“ segir Guðni og hlær. Spurð
hvað sé mikilvægast í svona rekstri
eru þau sammála um að það sé að
fylgjast vel með hvar eftirspurning
sé hverju sinni. „Við höfum verið
frumkvöðlar í ýmsu og byrjað að
flytja inn vörur sem svo síðan hafa
náð miklum vinsældum um allt
land. Það hafa svo aðrar gjavavöru-
verslanir fylgt á eftir og tekið í sölu
vörur sem við komum upphaflega
með á íslenska markaðinn. Má þar
sem dæmi nefna dönsku ullarinni-
skóna. Við reynum alltaf að fylgjast
vel með eftirspurninni og að reyna
líka alltaf að vera dugleg að finna
nýja hluti til að flytja inn,“ segir
Guðni og Hlín tekur undir það.
arg
Frá kúnnakvöldi í Model í aðdraganda aðventu. Ljósm. mm.
Verslunin Model á Akranesi frá 1992
Rætt við hjónin Guðna Tryggvason og Hlín Sigurðardóttir kaupmenn á Akranesi
Guðni Tryggvason og Hlín Sigurðardóttir hafa rekið verslunina Model á Akranesi frá 1992.
Þessi ungi starfsmaður hafði yfirumsjón með því þegar jólaskraut var tekið upp úr kössum í Model fyrir jólin.