Skessuhorn - 18.12.2019, Blaðsíða 46

MIÐVIKUDAGUR 18. DESEMBER 201946
Í deild þeirra bestu
Snæfellskonur rétt misstu af úrslitakeppni Domino‘s deildar
kvenna síðastliðið vor eftir mikla keppni undir lok deildar-
keppninnar. Þær luku keppni með 32 stig í fimmta sæti, jafn
mörg stig og KR í sætinu fyrir ofan. Tæpara gat það varla ver-
ið. Liðið fór í undanúrslit Geysisbikarsins en mátti játa sig
sigrað gegn Valskonum, sem áttu síðan eftir að hampa bik-
armeistaratitlinum. Skallagrímskonur enduðu í sjöunda og
næstneðsta sæti Domino‘s deildarinnar síðasta vor eftir erfið-
an vetur. Liðið fékk tólf stig, fjórum stigum meira en botnlið
Breiðabliks. Borgnesingar féllu einnig úr leik í átta liða úrslit-
um bikarsins síðasta vetur.
Skallagrímskonur hafa átt fínu gengi að fagna það sem af er
vetri undir stjórn nýs þjálfara, Guðrúnar Óskar Ámundadót-
tur sem tók við liðinu í sumar af Biljönu Stankovic. Borgne-
singar eru í fjórða sæti deildarinnar þegar þessi orð eru rit-
uð með 14 stig og hafa þegar krækt í fleiri stig en þær fengu
allt síðasta tímabili. Snæfellskonur hafa hins vegar átt erfiðara
uppdráttar framan af móti. Þær sitja í sjötta sæti deildarinnar
með sex stig þegar jólablaðið kemur út.
Sviptingar í þjálfaramálum
Á liðnu ári skiptu bæði Skallagrímur og Snæfell um þjálfara
karlaliða sinna. Skallagrímsmenn féllu úr Domino‘s deildinni
síðasta vor. Eftir lokaleikinn tilkynnti Finnur Jónsson að hann
myndi stíga til hliðar sem þjálfari liðsins, eftir að hafa stýrt
Skallagrími frá því í ársbyrjun 2015. Manuel Rodriguez var í
kjölfarið ráðinn þjálfari liðsins, en látinn fara eftir aðeins þrjár
umferðir. Atli Aðalsteinsson tók við þjálfun liðsins og hefur
stýrt því í 1. deildinni frá því Manuel var látinn fara.
Snæfell rifti samningi sínum við Vladimir Ivankovic eftir
fyrsta leik 1. deildar karla nú í haust, en Vladimir hafði þjálfað
karlaliðið eitt tímabil. Baldur Þorleifsson og Jón Þór Eyþórs-
son tóku tímabundið við liðinu. Ben Kil var ráðinn í þjálfarat-
eymið í nóvember og Jón Þór steig til hliðar. Auk þess að þjál-
fa mun Ben spila með liðinu.
Karlalið Snæfells og Skallagríms eru bæði í uppbyggingar-
fasa, þau eru skipuð ungum og efnilegum leikmönnum að
stærstum hluta. Þegar þessi orð eru rituð sitja Snæfellingar
í sjöunda sæti 1. deildar og Skallagrímur í því áttunda, bæði
með fjögur stig eftir ellefu leiki.
Neðar í mótinu leika Skagamenn og Grundfirðingar. Skag-
amenn eru í botnbaráttu 2. deildar þegar þessi orð eru rituð
Grundfirðingar í þéttum pakka um miðja 3. deildina.
Kaflaskipt hjá Skagamönnum
ÍA átti afar góðu gengi að fagna framan af Íslandsmótinu í
knattspyrnu á liðnu sumri. Skagamenn léku sem kunnugt er
í Pepsi Max deildinni og byrjuðu mótið með látum. Fimm af
sjö sigrum liðsins í sumar komu í maímánuði, auk eins jafnt-
eflis og á tímabili tróndi ÍA á toppi deildarinnar. Eftir það
þyngdist róðurinn og Skagamenn sigruðu aðeins tvo leiki til
viðbótar og gerðu fimm jafntefli að auki það sem eftir lifði
móts. Liðið endaði mótið í 10. sæti með 27 stig.
Upp og niður hjá Skagakonum
ÍA er eina félagið í landshlutanum sem sendi meistaraflokk til
keppni í Íslandsmótinu í knattspyrnu á liðnu sumri. Skaga-
konur byrjuðu mótið prýðilega og léku vel framan af sumri.
Ungt og efnilegt lið Skagakvenna varð hins vegar fyrir áfalli
um mitt sumar með brotthvarfi lykilleikmanna og í kjölfarið
þjálfara félagsins, Helenu Ólafsdóttur og Anítu Lísu Svans-
dóttur. Unnar Þór Garðarsson og Aron Ýmir Pétursson tóku
við þjálfun liðsins, sem átti erfitt uppdráttar í lok móts en
tókst að bjarga sér frá falli með 2-0 heimasigri á Aftureldingu
í næstsíðustu umferðinni.
Ejub kvaddi Ólafsvík
Víkingur Ó. lék í 1. deild
karla í knattspyrnu á liðnu
sumri og áttu ágætis gengi
að fagna, án þess þó að hafa
náð að ógna toppliðunum
og gera alvöru atlögu að því
að komast upp í Pepsi Max
deildina. Ólafsvíkingar luku
keppni í fjórða sæti með 34
stig, jafn mörg og næstu tvö lið á eftir en átta stigum frá því að
fara upp í deild þeirra bestu.
Eftir mótið tilkynnti Ejub Purisevic um starfslok sín, eftir
nær samfellt 17 ára starf sem þjálfari meistaraflokks karla hjá
Víkingi Ó. Undir hans stjórn léku Ólafsvíkingar í fyrsta sinn
í deild þeirra bestu árið 2013 og svo aftur sumarið 2016 og
2017. Ejub er goðsögn í fótboltanum í Ólafsvík og fyrir löngu
búinn að skipa sér í hóp bestu þjálfara landsins. Jón Páll Pál-
mason mun reyna að feta í fótspor Ejubs í Ólafsvík, en hann
samdi í októberlok um þjálfun liðsins til næstu þriggja ára.
Ævintýralegur árangur
Sameiginlegt lið ÍA/Kára/Skallagríms í 2. flokki karla í
knattspyrnu náði ævintýralega góðum árangri á liðnu ári.
Liðið sigraði Íslandsmótið í öðrum flokki, annað árið í röð
og fór síðan í aðra umferð Unglingadeildar Evrópu, en mát-
ti játa sig sigrað gegn enska liðinu Derby eftir tvo leiki, heima
og heiman. Er þetta besti árangur sem íslenskt lið hefur náð í
unglingadeildinni.
Meðal þeirra bestu
Valdís Þóra Jónsdóttir úr Golfklúbbnum Leyni lék sitt þriðja
tímabil á Evrópumótaröðinni í golfi á liðnu ári. Hún náði sín-
um besta árangri á móti í Ástralíu þar sem hún hafnaði í 5.
sæti, en að móti loknu endaði hún í 71. sæti stigalista mótar-
aðarinnar. Hún mun hafa takmarkaðan þátttökurétt á næsta
tímabili, en efstu 70 halda sæti sínu, svo tæpara gat það ekki
verið. Hins vegar getur hún farið í úrtökumót fyrir mótaröð-
ina í janúar til að öðlast aftur fullan keppnisrétt. Valdís var í
síðustu viku valin kylfingur ársins af Golfsambandi Íslands í
þriðja sinn.
„Góð íþrótt er gulli betri“

Íþróttaannáll ársins 2019
„Góð íþrótt er gulli betri,“ segir málshátturinn.
Í honum leynist mikill sannleikur, því íþróttir
hvers konar eru til þess fallnar að efla bæði hug
og hönd, líkama og sál, skrokk og skapgerð.
Vestlendingar fengust við ótalmargt á sviði
íþróttanna á liðnu ári og engin leið að gera öll-
um þeirra afrekum skil nema jafnóðum. Hér að
neðan verður aðeins stiklað á stóru og farið yfir
það sem allra hæst bar á íþróttasviðinu á liðnu
ári. Gleðileg jólin og gæfuríkt komandi ár!
- Kristján Gauti Karlsson.