Skessuhorn - 18.12.2019, Blaðsíða 80

MIÐVIKUDAGUR 18. DESEMBER 201980
Sigurgeir Erlendsson, eða Geiri
bakari eins og hann er oftast kall-
aður, hefur bakað snúða, vínar-
brauð og ástarpunga ofan í Borg-
nesinga síðan hann flutti í bæjar-
félagið árið 1975, þá aðeins 19 ára
gutti. Geiri kemur frá Siglufirði
og eftir útskrift úr gagnfræðiskól-
anum á Sigló fór hann rakleiðis
að læra bakarann í Iðnskólanum á
Siglufirði. „Ég vissi snemma að ég
vildi verða bakari. Mér fannst alltaf
svo góð lykt þegar ég labbaði fram
hjá bakaríinu heima. Við guttarnir
kíktum oft á bakvið þegar við vor-
um orðnir svangir eftir að hafa ver-
ið að leika okkur tímunum saman,
og alltaf fengum við eitthvað gott í
gogginn hjá Ingimar Láka bakara,“
svarar Geiri þegar blaðamaður spyr
af hverju hann valdi bakaraiðnina.
Hringir í Berta bakara
Í Iðnskólanum á Siglufirði var hægt
að læra allar helstu iðngreinar þar á
meðal bakarann sem Geiri skráði sig
í strax eftir gaggó, þá 16 ára. Sam-
hliða náminu vann hann í bakaríinu
á Siglufirði hjá Ingimar og síðar hjá
Theodór Júlíussyni bakara þangað
til það lokaði og var hann þá kom-
inn með ágæta reynslu í bakaraiðn-
inni þrátt fyrir ungan aldur. Þegar
bakaríinu á Siglufirði var lokað þá
átti Geiri eitt ár eftir í starfsnámi til
að fá bakararéttindi sín. Hann brá
á það ráð að setja sig í samband við
annan Siglfirðing, Albert Þorkels-
son bakarameistara, sem þá ann-
aðist rekstur Brauðgerðar Kaup-
félags Borgfirðinga í Borgarnesi.
„Ég þekkti Berta aðeins í gegnum
íþróttirnar og vissi að hann væri
bakari. Hann spilaði badminton og
ég hitti hann stundum á badmin-
tonmótum á Siglufirði. Ég hringdi
í hann í mars 1975 og spurði hvort
ég mætti koma í eitt ár sem hann
samþykkti,“ útskýrir Geiri.
Kynnist dóttur bakarans
Nítján ára gamall flutti Geiri í
Borgarnes til að vinna í eitt ár hjá
Berta bakara í brauðgerðinni. „Ég
kem í Borgarnes í apríl 1975 og
ætlaði mér bara að stoppa í eitt ár,“
segir Geiri en þar kynntist hann
Önnubellu Albertsdóttur, bakara-
dótturinni, og mætti segja að fram-
tíðin hafi verið ráðin fyrir bakar-
ann frá Siglufirði. Bakaríið á þess-
um tíma var til húsa við Egilsgötu,
við hliðina á Kaupfélaginu sjálfu.
Þar starfaði Geiri samhliða Berta
bakara. Það leið svo ekki á löngu
þar til Geiri og Annabella fóru að
stinga saman nefjum og þar til þau
stofnuðu til fjölskyldu og fjárfestu
í sinni fyrstu íbúð á Skúlagötunni.
Fyrir átti Annabella einn son, Við-
ar Héðinsson, sem Geiri tók und-
ir sinn væng eftir að þau Annabella
byrjuðu saman og ól upp sem sinn
eigin son. Elsta dóttir þeirra hjóna,
Rakel Dögg, fæddist svo 1976.
Geirabakarí stofnað
Geira líkaði vel í Borgarnesi og hélt
áfram að baka fyrir bæjarbúa og
nærsveitunga hjá tengdaföður sín-
um í brauðgerðinni hjá Kaupfélag-
inu. Þar starfaði hann í sjö ár áður
en hann fór að starfa í Íþróttamið-
stöðinni í Borgarnesi 1982, sama ár
og Íþróttamiðstöðin var formlega
opnuð.
Árið 1988 sneri Geiri sér aftur að
bakstri og setti á fót sitt eigið fyr-
irtæki ásamt Önnubellu. Fékk bak-
aríið nafnið Geirabakarí. Nýja bak-
aríið var staðsett í verslunarhúsinu
Nesbæ að Borgarbraut 57 með fína
vinnuaðstöðu til að hnoða deig og
baka brauð í kjallara húsnæðisins.
„Þarna hlupum við með pönnurn-
ar upp stigann, fullar af snúðum og
vínarbrauðum. Svo þegar einhver
datt þá hló maður alveg eins og
vitleysingur. Sem betur fer meiddi
sig enginn,“ rifjar Annabella upp.
„Þegar við vorum að velja nafn-
ið á sínum tíma þá reyndi ég að fá
þá til að skíra bakaríið Bellubakarí,
en þeir eru svo frekir svo það hét
Geirabakarí,“ bætir hún kímin við.
Blaðamaður forvitnast í kjölfarið
hvað var í boði fyrir viðskiptavini
á þessum tíma? „Bakaríin í gamla
daga buðu öll upp á snúða og vín-
arbrauð, heilhveitibrauð, fransk-
brauð, normalbrauð, rúgbrauð,
harðar kringlur og tvíbökur. Þetta
var kennt og svona var þetta bara,“
svarar Geiri og hlær.
Geirabakarí var í beinni sam-
keppni við brauðgerð Kaupfélags-
ins eftir að það var stofnsett og
mætti segja að það hafi gustað um
Geira í kjölfarið, en töluvert hug-
rekki þurfti í þann slag þar sem
mikil kaupfélagshefð ríkti í bænum
og nágrannasveitum á þessum tíma.
Áratug seinna, 1998, kaupir Geiri
og fjölskylda rekstur brauðgerðar-
innar og var Siglfirðingurinn þarna
orðinn einvaldur á brauðmarkaðin-
um í Borgarnesi. Eftir kaupin var
Geirabakarí í stuttan tíma rekið á
tveimur stöðum, í Nesbæ við Borg-
arbraut og við Egilsgötu þar sem
brauðgerðin var til húsa, áður en öll
starfsemin sameinaðist og var flutt
á Sólbakka. Í kjölfar samrunans þá
breytti Geiri Egilsgötu í íbúðir og
seldi þær svo.
Brauðverksmiðjan
Umgjörðin á bakaríinu breyttist í
verksmiðjustíl þegar hún var komin
upp á Sólbakka. Þá hafði Geiri gert
samninga við KB og Bónus í bæn-
um um að framleiða fyrir verslanir
sínar gegn því að hann setti ekki upp
búð sjálfur. „Ég keypti þarna á Sól-
bakka og við vorum með bakaríið
þar. Svo þegar átti að endurnýja
samninginn aftur, bæði við Bónus
og Kaupfélagið, þá sögðu þeir bara
nei því þeir fengu ódýrara brauð úr
Reykjavík. Þá var það bara búið hjá
okkur þarna upp frá og við fórum í
rauninni á hausinn,“ útskýrir Geiri.
„Þetta var erfiður tími þarna og við
hefðum bara átt að fara í gjaldþrot
og byrja upp á nýtt. Í staðinn gerist
það að bankinn tekur eignina á Sól-
bakka og við setjum upp bakarí við
hliðina á Bónus við Digranesgötu
áður en það húsnæði var stækkað,“
segir hann. „Þá var Bónus bara ein
húsalengja og við fengum svona lít-
ið bil þarna við endann. Það var
rosalega kósý og krúttlegur staður,“
bætir Annabella við.
Seinna bættist Hagkaup við Bón-
ushúsnæðið og var Geira og fjöl-
skyldu boðið að færa bakaríið í
bogann sem snýr að Borgarfirði og
Hafnarfjalli, sem þau samþykktu og
hefur Geirabakarí verið þar síðan
2006. „Þeir voru mjög almennileg-
ir að bjóða mér þetta pláss,“ segir
Geiri þakklátur.
Vinsæll áningarstaður
Í dag er Geirabakarí einn vinsælasti
áningarstaður vegfarenda og geta
margir ekki hugsað sér að keyra í
gegnum Borgarnes án þess að koma
við í Geirabakaríi og fá sér kaffi og
sætabrauð. Geiri þakkar fyrir stað-
setninguna þar sem þessi nálægð
við veginn hefur eflt starfsem-
ina til muna og segja jafnvel sum-
ir að Geirabakarí sé orðið hálfgert
kennileiti fyrir bæinn við brúnna.
„Líklega gengi ekki eins vel ef bak-
aríið væri niðri í bæ,“ segir Geiri
hugsi. „Sumarið er háannatími hjá
okkur en veturinn svosem drjúg-
ur líka. Mér finnst þó eitthvað hafa
dregið saman í nóvember og des-
ember frá því í fyrra,“ bætir hann
við en í fyrra varð rekstur Geira-
bakarís 30 ára og spyr blaðamað-
ur hvaða tilfinningu hann fær þeg-
ar hann lítur yfir þessa þrjá áratugi.
„Ég verð stundum þreyttur við til-
hugsunina, auðvitað komu dagar á
þessum tíma sem voru erfiðir, en
þetta er bara búið að vera skemmti-
legt,“ svarar bakarinn.
„Búið að gera
ýmislegt um árin“
Nú eru rúm 44 ár síðan Geiri mætti
í Borgarnes, þá 19 ára gamall, og
hefur hann heldur betur fund-
ið sér eitthvað að gera á þessum
tíma. Ásamt því að baka fyrir bæði
Kaupfélagið og fyrir sitt eigið bak-
arí þá vann hann eins og fyrr seg-
ir í Íþróttamiðstöðinni í Borgarnesi
um stund. Hann stofnaði Borgar-
sport með Ólafi Helgasyni heitn-
um, gerði upp Búðarklett ásamt
fjórum öðrum félögum og starf-
aði oft þar sem dyravörður á kvöld-
in ásamt því sem hann byggði hús-
ið þeirra Önnubellu. „Það er búið
að gera ýmislegt um árin,“ segir
Geiri sem var einnig virkur innan
Knattspyrnudeildar Skallagríms.
Auk þess er Geiri mikill fjölskyldu-
maður en saman eru börn Geira
og Önnubellu fjögur; Viðar, Rakel
Dögg, Sóley Ósk og Sigríður Dóra
og barnabörnin orðin tíu talsins og
það ellefta á leiðinni.
Úr kjallara upp
á sjöundu hæð
Geiri sem fæddur er 1954 segist
ekkert vera farinn að spá í hvenær
hann ætli að hætta að vinna og er
lítið að stressa sig á því. „Ég er að
róast þó ég æsist stundum,“ seg-
ir Geiri og Annabella grípur fram
í. „En svo segir hann alltaf, jæja,
þarf að gera eitthvað! Þarf að gera
eitthvað!“ Ég segi bara, sittu kyrr
og slakaður á maður. Hann er svo
hræddur um að sofna. Hann er bú-
inn að fá að vinna þessi maður,“
segir hún í nýju íbúðinni þeirra
hjóna að Borgarbraut 57 í spjalli
við blaðamann Skessuhorns. Mætti
segja að hringnum hafi verið lokað
núna því baksturinn byrjaði í kjall-
aranum í Nesbæ að Borgarbraut 57
og nú er fjölbýlishúsið sem þau búa
í á sömu lóð, falleg og björt íbúð á
sjöundu, en í töluvert nýrra húsi og
með töluvert betra útsýni ef út í það
er farið. En hvað varðar framtíðar-
sýn Geirabakarís þá er Geiri róleg-
ur í þeim efnum. „Það kemur bara
þegar að því kemur. Ég er hins veg-
ar afar þakklátur fyrir öll þessi ár og
vil ég sérstaklega þakka góðu starfs-
fólki og viðskiptavinum nær og fjær
fyrir árin,” segir Geiri að endingu.
glh
„Ég ætlaði bara að stoppa eitt ár í Borgarnesi“
Rætt við hjónin Sigurgeir Erlendsson og Önnubellu Albertsdóttur um rekstur Geirabakarís
Bakarafjölskyldan í nýja bakaríinu í Nesbæ árið 1988. Hér heldur Geiri bakari á
Sóley Ósk. Við hliðina á feðginunum koma Viðar og Rakel Dögg ásamt Önnubellu.
Geiri og Annabella í íbúðinni sinni uppi á sjöundu hæð að Borgarbraut 57 á sama reit og þegar þau stofnuðu Geirabakarí í
Nesbæ, rúmum 30 árum síðar.
Geiri hefur sett glassúr á sætabrauð
síðan hann var 16 ára gutti.
Vinnuaðstaðan í Geirabakaríi við Digranesgötu, þar gengur allt eins og vel smurð
vél.