Skessuhorn - 18.12.2019, Blaðsíða 87

MIÐVIKUDAGUR 18. DESEMBER 2019 87
Sveitarfélagið Borgarbyggð ætl-
ar að standa fyrir fyrirtækjaþingi í
febrúar 2020 og eiga samtal við at-
vinnurekendur í sveitarfélaginu um
það hvað þarf að vera til staðar í
Borgarbyggð til þess að fjölbreytt-
ur atvinnurekstur geti dafnað og
vaxið enn frekar á svæðinu.
Á síðasta ári var álagningar-
hlutfall fasteignaskatts á atvinnu-
húsnæði lækkað tölvuvert, eða úr
1,55% niður í 1,39% en með því
raðast sveitarfélagið í hóp fimm
lægstu sveitarfélaganna á landinu
miðað við álagningu á þann flokk
húsnæðis. Auk þess var ákveðið
að veita 50% afslátt af gatnagerð-
argjöldum, 100% afslátt af lóðar-
gjöldum og ákveðið að minnka iðn-
aðarlóðirnar við Sólbakka til að
gera þær hentugri fyrir minni at-
vinnurekstur og ná enn frekar nið-
ur gjöldum við byggingu á þeim.
Einnig er búið að skipuleggja iðn-
aðarlóðir á Hvanneyri sem henta
fjölbreyttri starfsemi.
Töluverð gróska hefur verið í
fyrirtækjaflórunni í sveitarfélaginu
að undanförnu, en dæmi um ný-
leg fyrirtæki í sveitarfélaginu eru B
59 hótel, verslunin FOK, Krauma,
ísbúð Ömmu Gógó, Food station,
Nes fasteignasala, Litla mennta-
búðin, opnun starfsstöðvar Eflu og
fleiri.
En hvernig má stuðla að enn
hagfeldara umhverfi fyrir fyrirtækj-
arekstur, nýsköpun starfa og fjöl-
breyttu atvinnulífi í sveitarfélögum
úti á landi? Sveitarstjórn Borgar-
byggðar hefur undanfarið leitað
svara við þessari spurningu og full-
trúar velt fyrir sér með hvaða hætti
sé hægt að koma enn betur til móts
við þarfir atvinnurekenda og fyrir-
tækja í sveitarfélaginu. Ákveðið var
á síðasta ári að stofna nýja fasta-
nefnd í stjórnsýslu sveitarfélagsins
sem ber heitið Atvinnu,- markaðs-
og menningarmálanefnd. Hefur
hún meðal annars það hlutverk að
leita leiða til þess að efla samvinnu
og samstarf sveitarfélagsins við at-
vinnurekendur í Borgarbyggð.
Það augljósa sem snýr að sveitar-
félaginu er að til staðar þarf að vera
góð þjónusta og samfélag sem eftir-
sóknarvert er að lifa og starfa í. Að
álagning sé ekki íþyngjandi og nægt
húsnæði í boði. Við þannig að-
stæður blómstrar atvinnulífið, nýir
atvinnurekendur kjósa að reka fyr-
irtæki sín í sveitarfélaginu og hæft
starfsfólk rífur upp rætur og flyst
þangað búferlum.
Til þess að greina betur þarfir fyr-
irtækja í Borgarbyggð hefur sveit-
arfélagið, eins og áður hefur komið
fram, ákveðið að standa fyrir fyrir-
tækjaþingi sem fer fram í febrúar á
næsta ári. Verða þá fengnir að borð-
inu atvinnurekendur í sveitarfé-
laginu og leitast við að greina betur
með hvaða hætti hægt sé að koma
enn betur til móts við þennan hóp.
Afraksturinn verður síðan nýttur
í áframhaldandi vinnu og stefnu-
mótun hjá sveitarfélaginu með það
að markmiði að
smyrja enn frekar
hjól atvinnulífsins
og auka samvinnu
fyrirtækja á svæð-
inu.
Það er forsenda þess að samfé-
lag vaxi og dafni að næg atvinna
sé til staðar og fjölbreytileiki starfa
sé með þeim hætti að sem flest-
ir geti fengið störf við hæfi. Þá er
ekki síður mikilvægt að fyrirtæki
fái til starfa hæfa einstaklinga með
menntun og reynslu til að inna af
hendi þau störf sem kunna að falla
til. Það verður áhugavert að sjá
hvaða tillögur atvinnurekendur í
sveitarfélaginu leggja til og hvaða
sóknarfæri felast í auknu samstarfi
sveitarfélagsins og fulltrúa atvinnu-
lífsins í Borgarbyggð.
Lilja Björg Ágústsdóttir
Höf. er starfandi sveitarstjóri í
Borgarbyggð
Tækifærin liggja í
Borgarbyggð
Pennagrein
-Sótt fram í þágu atvinnulífsin
Litlu munaði að algert uppnám yrði
á hinni árlegu bjúgnahátíð í Langa-
holti í Staðarsveit á dögunum. Bjúg-
nakrækir sjálfur mætti nefnilega til
byggða, löngu fyrir áætlaðan komu-
tíma og setti veisluhöldin eilítið úr
skorðum. Jólasveinninn óð í hvern
bjúgnaréttinn á fætur öðrum og á
tímabili leit út fyrir að ekkert yrði
eftir handa öðrum gestum hátíðar-
innar. „Þetta er mikið meira en þið
þurfið,“ heyrðist í Bjúgnakræki þegar
hann ruddist inn í matsal Langaholts
á bjúgnahátíðinni, hrifsaði með sér
tvo rétti af hlaðborðinu og var sam-
stundis rokinn út bakdyramegin.
Ræður ekki við sig
„Ég bara ræð ekki við mig þegar
kemur að bjúgum,“ segir Bjúgnak-
rækir jólasveinn þegar Skessuhorn
spyr um atvikið. Ekki er þó að merkja
neina iðrun í orðum hans. „Ég frétti
af þessari himnesku hátíð og laumað-
ist til byggða þegar mamma og katt-
arófétið sáu ekki til, löngu fyrir sett-
an dag, ef svo má segja,“ segir hann,
en Bjúgnakrækir kemur vanalega
ekki af fjöllum í bókstaflegri merk-
ingu fyrr en 20. desember ár hvert.
„Þarna voru bjúgu með bernaisesósu,
bjúgna-Wellington, buffalóbjúgu,
bjúgnapitsur, hreindýrabjúgu, róna-
hryggur og ég veit ekki hvað og hvað
og nammi, nammi, namm!“ seg-
ir jólasveinninn dreyminn og nokk-
uð utan við sig þegar hann hugsar til
kræsinganna. „En uppáhaldið mitt,
sem ég borðaði hvað mest af, eru
að sjálfsögðu reykt hrossabjúgu með
Stúf... nei, ég meina uppstúf!“ segir
Bjúgnakrækir og ætlar gersamlega að
rifna úr hlátri.
Bjúgu í kókos og karrý
„Ég elska bjúgu. Bjúgu eru besti mat-
ur í heimi! Þetta var besti dagur lífs
míns og ég ætla að borða bjúgu í alla
mata fram að jólum og yfir hátíðirn-
ar og langt fram á næsta ár, eins og
ég er vanur,“ segir Bjúgnakrækir og
bætir því við að hann hafi komist í
tæri við dásamlegan rétt á bjúgnahá-
tíð í Langaholti, rétt sem hann hafði
aldrei bragðað áður. „Ég hef fuss-
að og sveiað lengi yfir þessu „kjöt í
karrý“ sulli sem Ketkrókur og aðrir
sem ekkert vit hafa á mat masa mik-
ið um. Mikið betri þykir mér réttur
sem ég smakkaði á bjúgnahátíðinni;
bjúgu í „kókos og karrý“. Mér tókst
með miklum klókindum að stela upp-
skriftinni að þessum guðdómlega mat
á leið minni í gegnum eldhúsið,“ seg-
ir jólasveinninn hróðugur. „Þar segir
að skera skyldi einn til tvo lauka eftir
smekk og steikja létt í potti upp úr dá-
góðri klípu af sméri. Því næst er bætt
út í einni matskeið af gulu dufti sem
er víst kallað „karrý“ og leyft að malla
með lauknum og smjörinu í um það
bil tvær mínútur, þar til tveimur mat-
„Bjúgu eru besti matur í heimi“
- segir Bjúgnakrækir jólasveinn í samtali við Skessuhorn
Bjúgnakrækir komst í feitt þegar hann gekk fram á hlaðborð af bjúgum.
Bjúgnakrækir gripinn glóðvolgur að krækja sér í bjúgu í eldhúsinu í Langaholti á meðan bjúgnahátíðin stóð yfir.
1-2 laukar eftir smekk
smjör
karrý
hveiti
1 dós kókosmjólk
bjúgnasoð
Saxið laukinn fínt og léttsteikið í
potti upp úr smjöri. Bætið einni
matskeið af karrý út í og látið
malla með lauknum í u.þ.b. tvær
mínútur. Bætið því næst tveimur
matskeiðum af hveiti út í og hrær-
ið saman við. Bætið einni lítilli dós
af kókosmjólk út í sem og bjúgna-
soði þar til ákjósanlegri þykkt er
náð. Setjið að endingu niðurskor-
ið bjúga út í sósuna.
Gott er að bæta soðnum gulrót-
um og kartöflum út í og bera fram
með hrísgrjónum.
Kókoskarrýbjúgu
Bjúgnakrækis
skeiðum af hveiti er bætt út í og hrært
saman við. Því næst er tekin ein dós
af einhverju sem heitir „kókosmjólk“
og ég hafði aldrei heyrt um áður en
tókst að verða mér út um með mikl-
um klókindum og smá bjúgnasoði þar
til ákjósanlegri þykkt er náð. Því næst
er niðurskornu bjúga bætt út í sósuna
og einnig þykir mér gott að bæta út
í soðnum gulrótum og kartöflum og
bera svo herlegheitin fram með soðn-
um hrísgrjónum,“ segir Bjúgnakræk-
ir. „Þetta þykir mér svo frumlegur,
en guðdómlega bragðgóður réttur,
að ég ætla að elda hann eins oft og
mér tekst að verða mér úti um þessi
skrýtnu hráefni sem þarf til að elda
hann,“ segir Bjúgnakrækir að end-
ingu. kgk/óþþ/ Ljósm. mm.