Skessuhorn - 18.12.2019, Blaðsíða 78

MIÐVIKUDAGUR 18. DESEMBER 201978
„Það var eiginlega nágrannakonan
mín sem kom mér inn á þetta. Hún
sá til þess að ég og maðurinn henn-
ar skráðum okkur á grunnnám-
skeið,“ segir Ingvar Svavarsson um
það hvernig hann byrjaði að stunda
crossfit fyrir rétt rúmum tveim-
ur árum. Ingvar er giftur Bryn-
dísi Gylfadóttur og búa þau sam-
an á Akranesi með dætrum sínum
þremur; fimm, tíu og tólf ára. Ing-
var er sveitastrákur fæddur og upp-
alinn á bænum Ölkeldu í Staðar-
sveit, miðjubarn af fimm systkinum
en hann á tvo eldri bræður og tvær
yngri systur. Hann flutti á Akra-
nes árið 1999 til að læra vélvirkjun
í Fjölbrautaskóla Vesturlands. Ætl-
unin var að vera á Akranesi þessi
þrjú ár sem námið tekur og flytja
svo annað en 20 árum síðar er hann
enn á Akranesi. Hann er búinn að
starfa hjá sama fyrirtækinu, Meitli
á Grundartanga, frá árinu 2002 og
er í dag verkstjóri. „Ég hef unnið á
sama stað allt mitt líf. Mér er veru-
lega illa við breytingar og er trúr
mínu. Ég skil í rauninni ekki breyt-
ingar og geri alltaf allt eins og ég er
vanur að gera það, versla alltaf við
sama olíufélagið og svo mætti lengi
telja. Ég vil hafa hlutina á ákveðinn
hátt en er samt opinn fyrir nýjung-
um, en samt eiginlega ekkert sér-
staklega,“ segir hann og hlær.
Setti tappann í flöskuna
„Áður en ég kynntist crossfit var
ég góður djúsari. En þegar ég byrj-
aði að æfa crossfit fann ég strax að
það var eitthvað fyrir mig. Ég setti
svo tappann alveg í flöskuna fyrir
ári. Ég útiloka samt ekkert að ég fái
mér bjór aftur einn daginn en það
verður ekki í náinni framtíð. Það
er bara allt annað líf án áfengis. Ég
fór ekki í meðferð eða slíkt heldur
hætti bara að drekka og þá líka fór
ég að sjá árangur fyrir alvöru á æf-
ingum. Það er tvennt ólíkt að vera
að brasa í hreyfingu og sulla í bjór á
kvöldin og um helgar og að sleppa
alveg áfenginu, það er ekki hægt
að líkja árangrinum saman,“ segir
Ingvar. Aðspurður segist hann allt-
af hafa verið duglegur að hreyfa sig
en aldrei svona markvisst eins og
hann gerir núna. „Þarna má segja
að ég hafi í fyrsta sinn farið í ein-
hverskonar lyftingar. Ég hafði al-
veg uppá grínið prófað smá í rækt-
inni á Jaðarsbökkum, en aldrei af
neinni alvöru. Ég er úr sveit og er
algjör sveitastrákur. Ég æfði frjáls-
ar, sund, fótbolta, körfubolta og
bara allt sem var í boði þegar ég var
krakki. Ég hef svo í seinni tíð allt-
af hreyft mig, verið í bumbubolta,
mótorkrossi og bara alltaf verið vel
hreyfanlegur. En þetta er í fyrsta
skipti sem ég er markvisst að stunda
íþrótt,“ segir Ingvar.
Hlakkar til að
fara á æfingar
Ingvar byrjaði crossfit strax af mik-
illi alvöru og frá fyrsta degi fór hann
að mæta á æfingar fimm sinnum í
viku klukkan 5:45 á morgnana og
gerir það enn. „Ég æfi núna svona
sjö til níu sinnum í viku, oftast sjö
sinnum. Ég hvíli á laugardögum og
tek tvær æfingar á fimmtudögum
t.d.,“ segir Ingvar. Aðspurður seg-
ir hann það aldrei erfitt að koma
sér af stað á æfingu svona snemma
á morgnana. „Ég held að það eigi
við um allar íþróttir og afþreyingu
að félagsskapurinn sé einna mikil-
vægastur. Við erum margir vinirn-
ir saman að æfa og þegar ég fer að
sofa á kvöldin hlakka ég alltaf til
að fara á æfingu, ég er bara að fara
að leika með vinum mínum,“ segir
Ingvar og brosir. „Svo fylgir þessu
bara svo mikil lífsgæðaaukning.
Mér líður svo mikið betur og finn
hvað skrokkurinn er mikið betri. Að
labba eða halda á börnunum mín-
um og bara allt sem ég geri er mik-
ið auðveldara og það hvetur mann
líka áfram. Það góða við crossfit
er hvað æfingarnar eru markvissar.
Hreyfingarnar eru líkamanum eðl-
islægar og alltaf einhver markmið
til að vinna að og bæta.“
Keppti við hlið þeirra
bestu í heimi
Á þeim tveimur árum sem Ingvar
hefur æft crossfit hefur hann náð
góðum árangri. Hann hefur tvisv-
ar keppt í þrekmótaröðinni og
vann í sínum flokki í bæði skiptin.
Hann keppti einnig á móti á Akur-
eyri fyrr á þessu ári þar sem hann
keppti í parakeppni með vini sín-
um, Vigni Bjarnasyni. Þeir kepptu
m.a. við þau Ragnheiði Söru Sig-
mundsdóttir og Björgvin Karl
Guðmundsson en þau eru bæði
meðal þeirra bestu í heimi. „Það
var ótrúlega gaman að fá tækifæri
til að para sig við hliðina á þeim og
verða sér ekki til skammar. Auðvi-
tað voru þau mikið betri og hún er
stelpa og ég er strákur og allt það.
Það voru alveg margir gæðaflokk-
ar á milli okkar en ekki þannig að
ég þyrfti neitt að skammast mín. Á
þrekmótaröðinni er ég að keppa við
áhugamenn eins og mig og gekk al-
veg þrusu vel en að keppa svona við
þá sem eru meðal bestu í heimi var
geggjað,“ segir Ingvar og bætir því
við að næsta mót sem hann ætlar að
keppa á verður Íslandsmeistaramót
í lok janúar en aðeins fimm bestu á
landinu í hverjum aldurshóp kom-
ast á það mót. „Ég var í þriðja sæti á
open í mínum aldurshópi á Íslandi,“
segir Ingvar en open er keppni fyr-
ir alla sem stunda crossfit, um all-
an heim. Vikulega í fimm vikur eru
gefnar út æfingar og hafa þátttak-
endur frá föstudegi til mánudags til
að ljúka við æfinguna og skrá svo
sinn besta árangur á netinu og geta
borið sig saman við aðra.
Í öðru sæti í
Álmanninum
Í fyrra var keppt í Álmanninum á
Akranesi, þríþraut þar sem hjól-
að var frá Langasandi að Akrafjalli,
hlaupið upp á Háahnjúk á Akrafjalli
og aftur niður og hjólað til baka
að Langasandi og að lokum syntu
keppendur um 400 metra í sjón-
um. Ingvar tók þátt í þeirri keppni
og hafnaði í öðru sæti. „Ég var ekk-
ert með sérstakar væntingar fyr-
ir þessari keppni en það kom samt
ekki til greina hjá mér að vera léleg-
ur, bara ekki séns. Það skemmtileg-
asta sem ég geri er að keppa og það
tengist kannski því að við systkinin
vorum orðin fjögur á fimm árum,
yngsta kom svolítið seinna. Það
var því mikil samkeppni í hópnum,
sérstaklega hjá okkur strákunum,“
segir Ingvar og hlær. „En það er í
sjálfu sér ekkert mál að hlaupa upp
á fjöll, það þarf bara að gera það og
ef maður er með hausinn rétt skrúf-
aðan á getur maður þetta. Þetta er
vont en það verður ekkert skárra þó
maður fari hægar. Í crossfit erum
við þannig séð ekki að æfa mark-
visst hlaup eða að hjóla en æfing-
arnar styðja bara allar svo vel við
skrokkinn svo maður getur þetta.
Ég reyndar fór upp á Akrafjall vik-
una fyrir keppnina, bara til að sjá
hvort ég gæti ekki komist þarna
upp,“ segir hann.
Þjálfar crossfit í dag
Um ári eftir að Ingvar byrjaði að
æfa crossfit var hann orðinn þjálfari
í Crossfit Ægi. „Konan mín byrj-
aði strax að kenna. Hún hefur lengi
verið að kenna leikfimi á Jaðar-
sbökkum, frá því áður en við kynnt-
umst. Hún fór fljótlega í Cross-
fit Ægi að kenna teygjur og varð
svo þjálfari líka. Við fórum saman
á námskeið til að fá þjálfararéttind-
in og upp frá því fór ég að þjálfa. Ég
hef verið að þjálfa lyftingar og wod.
Lyftingarnar eru aðeins annað en
þessi venjulegu wod, þar er mark-
visst verið að lyfta, púlinu sleppt“
segir Ingvar en wod stendur fyrir
æfingu dagsins. Aðspurður segist
hann hafa mjög gaman að þjálfun-
inni. „Mér þykir rosalega gaman að
hafa fólk í kringum mig og þykir al-
mennt gaman að vinna með fólki.
Ég vinn sem verkstjóri og þarf því
oft að stýra fólki í verk sem starfs-
menn nenna ekki endilega að gera,
sem getur alveg verið leiðinlegt. En
svo kem ég í Ægi og þar eru allir að
koma á æfingu til að gera nákvæm-
lega það sem ég segi þeim. Það eru
allir spenntir og tilbúnir í verk-
efnið. Þessi tvö störf styðja því vel
hvort við annað,“ segir Ingvar.
Ekki lifa á skítamat
Einn mikilvægur þáttur til að ná ár-
angri í íþrótt er að gæta vel að mat-
aræðinu. Aðspurður segist Ing-
var hafa breytt mataræðinu tölu-
vert en sé þó ekki að fylgja neinum
kúr. „Áður fyrr borðaði ég bara ná-
kvæmlega það sem mér datt í hug
því mér þótti það gott eða bara því
það var auðvelt. Núna er ég alltaf
að gera tilraunir með þetta en ég
hef aldrei vigtað matinn eða neitt
svoleiðis. Ég borða örugglega á við
fjóra núna og er sífellt að borða því
ég hef það markmið að bæta mig
og lyfta þyngra og til þess þarf ég
að þyngjast, borða t.d. hnetusmjör,
banana og svoleiðis alveg út í eitt.
Ég finn mikinn mun hvað ég hef
meira á tanknum núna sem skilar
sér margfalt í æfingunum,“ svar-
ar Ingvar og bætir því við að hann
forðist almennt skyndibita, nammi
eða annað drasl. „Ég er ekki nam-
migrís en ef þú ætlar að ná árangri
í íþrótt er svona drasl mesti óvin-
urinn. Ef ég fæ mér skyndibita eða
eitthvað svoleiðis veit ég að ég á
eftir að finna fyrir því daginn eft-
ir, sérstaklega á æfingu. Ef ég borða
hreinan og góðan mat stend ég mig
betur og finn hvernig ég næ að
byggja mig upp, maður finnur það
alveg eins og skot. Það er mín skoð-
un að maður á bara að borða allan
mat. Ég borða mikið af fiski, kjöti,
sveitafitu eins og í smjöri og svona,
hnetusmjör og svo borða ég örugg-
lega kíló af skyri daglega“ segir Ing-
var og brosir. „En ég vil ekki setja
mig í neitt dómarasæti um mat-
aræði en ég veit hvað hentar fyr-
ir mig og ef ég borða drasl veit ég
hvað gerist. Ég fæ mér alveg pizz-
ur sem ég geri bara sjálfur heima úr
spelti. En með mataræðið er lykill-
inn held ég að vera ekki fullkominn
því það heldur það enginn út. Fáðu
þér skítamatinn ef þér þykir hann
góður en ekki lifa á skítamatnum,“
segir Ingvar að endingu. arg
Ingvar með fjölskyldunni að velja jólatré í Birkihlíð í Borgarfirði fyrir jólin í fyrra.
Ljósm. mm
Lífstílsbreytingin sannarlega þess virði
Ingvar Svavarsson kynntist crossfit og breytti alveg um lífsstíl.
Kappinn keppti í Álmanninum á Akranesi á síðasta ári og hafnaði í öðru sæti. Hér
er hann að koma í mark. Ljósm. kgk.
Skipti kútnum út fyrir sixpack