Náttúrufræðingurinn - 2019, Qupperneq 10

Náttúrufræðingurinn
82
að greina áhrif hópgerðar á hversu
árásargjörn hrossin voru, hversu
mikla undirgefni þau sýndu og hversu
mikið þau kljáðust. Þekking á áhrifum
hópsamsetningar er mikilvæg fyrir
hestaeigendur sem ber skylda til að
tryggja velferð sinna dýra. Þar sem þessar
niðurstöður eru að ýmsu leyti sérstakar
eiga þær erindi við vísindasamfélagið
auk þess að vera athyglisverðar fyrir
alla þá sem hafa áhuga á hegðun hesta.
AÐSTÆÐUR OG AÐFERÐIR
Þeir 20 hópar sem liggja til
grundvallar í þessari samantekt voru
mjög misjafnir að samsetningu. Í 1. töflu
kemur fram hvar hver hópur var rann-
sakaður og vitnað er í fyrri rannsóknir,
hvenær ársins rannsóknin fór fram,
stærð beitarhólfs, lengd tímans sem
gögnum var safnað, hve margir rann-
sóknarmenn unnu við hverja rannsókn
og hver var stærð og samsetning hvers
hóps (auðkenndur með bókstaf ) með
tilliti til aldurs og kyns. Alls voru hest-
arnir 426, en af þeim voru 32 mældir
tvisvar (í tvö ár) þannig að heildarfjöldi
hrossa í hópunum var 458 (1. tafla). Alls
unnu 15 menn við að skrá hegðun hest-
anna. Það var misjafnt hversu lengi hóp-
arnir voru vaktaðir, en aldrei skemur en
í 40 klukkustundir. Samanlagt var fylgst
með hópunum í 2.654 stundir (1. tafla).
Þess var gætt að samræmi væri á milli
4. mynd. Litli Bleikur (21 vetra) ógnar með því að leggja kollhúfur og unghryssurnar tvær fyrir aftan hann sýna honum undirgefni með því að líta
niður og sveigja hálsinn frá honum. Dekksti hesturinn (19 vetra) sýnir engin viðbrögð. Myndin tekin að vetrarlagi eftir að byrjað var að gefa hey.
– The dun horse (21 years old) threatens with ears and the two young mares standing behind him show submissive behaviour by looking down
and swaying the body away from the aggressive horse. The black horse (19 years old) shows no reaction. The picture is taken in wintertime
when hay is provided. Ljósm./Photo: Iiris Kallajoki 2010, Fell í Kjós, W-Iceland.