Heilbrigðisskýrslur - 01.12.1955, Page 159

— 157 —
1955
hafa fætt þar. Rétt fyrir áramótin
voru sett upp vönduð röntgentæki frá
Siemens i Berlín. Samið hefur veriS
við sérfróðan röntgenlækni úr Reykja-
vík að taka myndir og lesa úr þeim.
Fer það fram einu sinni í viku.
Reykhóla. Röntgentækin komu i hér-
aðið á árinu og verða sett upp eftir
áramót. Rétt er að geta þess, að lækn-
isbústaður héraðsins mun vera sá eini,
sem ríkið á. Unnið var við viðgerðir
á honum, og eru íbúðarherbergi og
vinnustofur læknis vel viðunandi, en
þó er allmikið ógert, svo sem lagfær-
ing á stiga, sem aldrei hefur verið
fullgerður í 26 ár, og eftir er að byggja
ofan á skúr, svo að fáist búr. Raf-
magnssamstæða var sett upp, og eru
þau mál nú i ágætu lagi, þar sem lækn-
ir hefur nú nægjanlegt rafmagn til
heimilisnotkunar og til notkunar raf-
niagnstækja, t. d. röntgentækja. Mikil
þægindi eru að góðri rafhlöðu, sem
er í samstæðunni.
ísafj. Sjúkrahúsið var fullt allt árið,
og var þar meira um skurðaðgerðir
en verið hefur undanfarin ár. Miklar
endurbætur hafa verið gerðar á því
að innan og breytingar til bættra
starfsskilyrða. Málari hefur verið þar
að verki allt árið, og er nú húsið að
rísa nokkuð úr kútnum; ef fram held-
ur sem horfir, verður húsið innan
skamms orðið fallegt og vistlegt á ný.
Ýmis vönduð tæki hafa verið keypt til
sjúkrahússins á árinu, meðal annars
hið vandaðasta röntgentæki, sæfinga-
tæki, hjartalínuritari og margs konar
smærri áhöld til skurðaðgerða.
Hvammstanga. Skýlið starfrækt með
sama hætti og fyrr. Skriður er að
komast á byggingarundirbúning nýs
sjúkrahúss og elliheimilis, og verður
væntanlega hafizt handa um bygging-
una á næsta ári.
Blönduós. Sjúkrahúsið var rekið
ineð sama hætti og við svipaða aðsókn
og áður, en flutt var úr gamla spítal-
anum í árslokin í nýja héraðsspítal-
ann, sem málaður hafði verið og full-
gerður að öðru leyti að innan á þessu
ári. Læt ég mér nægja að visa hér til
þeirrar lýsingar á húsinu, sem er í
grein minni um það efni i tímaritinu
Húnvetningur, 1. árg., sem gefið er út
af Húnvetningafélaginu á Akureyri og
ég hef sent landlæknisskrifstofunni.
Sauðárkróks. Lokið teikningu nýja
sjúkrahússins, og fékkst loks fjárfest-
ingarleyfi fyrir byrjunarframkvæmd-
um, en þá var orðið svo liðið á árið,
að ekki þótti hættandi á að steypa
undirstöður, og var því aðeins hægt
að grafa grunninn. Eins og áður nutu
allmargir ambulant ljóslækninga á
sjúkrahúsinu. Auk sjúklinga sjúkra-
hússins og sjúklinga, sem komu reglu-
lega til eftirlits, voru skyggndir 30
manns og 33 röntgenmyndaðir. Loft-
brjóstaðgerðir voru engar á árinu, og
er það i fyrsta sinn í mörg ár.
Akuregrar. Starfslið sjúkrahúss Ak-
ureyrar óbreytt, nema hvað skipt er
um hjúkrunarkonur eftir atvikum, og
læknakandídata einu sinni á ári.
Bjarni Rafnar er aðstoðarlæknir á
handlæknis- og fæðingardeild og Þor-
björg Magnúsdóttir svæfingarlæknir
og aðstoðarlæknir á sömu deildum.
Grenivikur. Þar sem enginn sjúk-
lingur hefur legið í sjúkraherbergjun-
um hér undanfarin ár og herbergin
þvi ekki starfrækt sem slík, var í
annað þeirra í sumar fenginn bekkur
og lausar hillur, og er það nú notað
sem matargeymsla. Var hennar brýn
þörf, því að ein geymsla er í húsinu
á mjög óheppilegum stað og algerlega
ónóg, þótt baslazt hafi verið við hana
undanfarin ár.
Þórshafnar. Sjúkraskýlið eignaðist í
sumar Rgt-ferðatæki (General Elec-
tric), og keyptu hrepparnir það. Hef-
ur það reynzt vel hingað til.
Egilsstaða eystra. Aðsókn að sjúkra-
skýlinu með minna móti.
Seyðisfj. Engin breyting orðið á
rekstri sjúkrahússins. Rekstrarafkoma
þess sæmileg 2 síðast liðin ár. Engin
fólksekla, og er fremur sótzt eftir
vinnu við sjúkrahúsið, enda öll vinna
vel borguð. Viðgerð hússins, sem áður
hefur verið getið, er nú lokið. Lengi
hefur staðið til að reisa viðbyggingu
við sjúkrahúsið og sameina þá elli-
heimilið því, og eins til að fá ýmsa
betri aðstöðu, en fjárskortur hamlar.
Nes. Vonir standa til, að sjúkrahúsið
taki til starfa um næstu áramót.
Vestmannaeyja. Starfsemi svipuð og