Studia Islandica - 01.06.1975, Blaðsíða 60
58
Nú skal víkja að ýmsum mikilsverðum smáatriðum í
lýsingum. Svipdagur segir, að „garðar glóa mér þykkja of
gullna sali“, en í dansinum var rætt um gullið hlið. Þá er
þess getið í Fjölsvinnsmálum, að hundar fögnuðu komu-
manni, og sama er að segja uin ljón og himi í dansinum.
Hér er að ræða um svo nákvæma samsvörun í báðum þess-
um heimildum, að hún greinir þær frá öllum öðrum skyld-
um frásögnxun. Þó er enn mikilsverðara, að í Fjölsvinns-
málum segir, að hús hafi sjálf lokizt upp; sama er tiltekið
í dansimnn. Ekki er það siður mildlvægt, að í Fjölsvinns-
málum krefst Menglöð jartegna um Svipdag, en í A 25
segir skýrum orðum „men er I den rette Svejdal /sd fritt
md I ga fram.íl Svo mikilsvert hefur Axel Olrik þótt þetta,
að í útgáfu hans af Danske folkeviser (1908) gleiðletrar
hann þessi orð.
Þá skal enn nefna, að þegar smásveinninn (öldungur-
inn) segir frá komu Svejdals, svipar því mjög til þess,
þegar Fjölsviður boðar Menglöðu komu Svipdags.
Það sem nú hefur verið nefnt, sýnir glögglega mjög
náinn skyldleika þessara heimilda. Eitt og annað í orða-
lagi má enn nefna, svo sem „Þrár hafðar /er ek hefi til
þíns gamans“ sbr. „hun ligger i langen (stærken) attrá“
(B 23 o.s. frv.).
Ýmiss konar tengsl virðast vera með Svejdalsdansinxmi
og öðrum svipuðum kvæðum. Það mál verður ekki rætt á
þessum stað. Þó þykir mér rétt að nefna hér Flerr Tónne
af Alsoe (DgF 34), Svend Vonved (DgF 18), Brudefærden
til Hedenland (DgF 71) og færeyska kvæðið Ásmundur
skenkjari (Ferroyakvæði ru. 37).1 En varla mimu þessi
kvæði geyma mikið af gömlmn minjum nema þá smá-
atriði, enda gerir Svend Grundtvig ráð fyrir, að áhrifin
hafi frekar verið á hinn veginn, frá Svejdalsdansinum.
1 Foroyakvæði (Corpus Carminum Færoensium) hefur verið prent-
að á árunum 1951 o.áfr. ÍJtgefandi Christian Matras. Yfirlit yfir allt
safnið er í Arkiv f. nord. fil. VI eftir Axel Olrik.