Úrval - 01.12.1948, Blaðsíða 28

Forsætisráðherra hins nýja
Israelsríkis —
Davíð Ben-Gurion.
Grein úr brezka blaðinu „The Observer“.
"\^orið 1946 talaði Davíð Ben-
” Gurion, hinn sósíalistiski
forsætisráðherra hins nýja Is-
raelsríkis á alheimsþingi Zion-
ista í Basel í Sviss. Hann hélt
því fram — andspænis þing-
heimi, sem að miklu leyti var
skipaður ,,borgaralegum“ Gyð-
ingum frá Bandaríkjunum — að
merkustu tímamót í sögu zion-
ismans hefðu átt sér stað í Pal-
estínu árið 1905, þegar hópur
rússneskra Gyðinga, flestir ung-
ir menntamenn og þeirra á með-
al hann sjálfur, ákváðu að ger-
ast landbúnaðarverkamenn og
stofnuðu fyrsta verkalýðsfélag
Gyðinga í Palestínu.
Þetta var tvímælalaust merk-
isatburður, sem hlaut að leiða
til skiptingar Palestínu, ef ekki
formlegrar þá að minnsta kosti
raunverulegrar. Áður en þessi
ákvörðun var tekin, höfðu Gyð-
ingainnflytjendurnir rekið bú
sín með ódýru, arabísku vinnu-
afli, en héðan í frá áttu Gyð-
ingarnir sjálfir að handleika
plóg og skóflu, strita við vega-
gerð, gerast byggingaverka-
menn og reisa bæði íbúðarhús
og sósíalistiskt þjóðfélag. Af
þeim 700 000 Gyðingum, sem nú
búa í Palestínu, eru 200 000 með-
limir í Histradrut, alþýðusam-
bandi Gyðinga.
Davíð Ben-Gurion er 62 ára
gamall. Hann er óvenju lítill
vexti, en þrekvaxinn, með hvöss
augu og hvítan hárflóka í báð-
um vöngum. Hann býr í litlu
húsi í verkamannahverfi í út-
jaðri Tel Aviv borgar. Þar hef-
ur hann hið mikla bókasafn sitt,
— hann talar sex tungumál.
Elzti sonur hans, sem á stríðs-
árunum var liðsforingi í brezka
hernum, er kvæntur enskri konu.
Við fyrstu sýn líkist Davíð sósí-
aldemókratískum þingmanni í
Vestur-Evrópu, en við nánari
kynni hverfur sú líking. Hann
er gæddur hinum þróttmikla
persónuleika þjóðarleiðtogans.